మామూలుగా అయితే, గుడివాడ అసెంబ్లీ నియోజకవర్గంలో సిట్టింగ్ ఎమ్మెల్యే కొడాలి నానికి తిరుగే లేదు.! కానీ, ఈసారి ఈక్వేషన్ మారినట్లే కనిపిస్తోంది. నియోజకవర్గంలో రోడ్ల దుస్థితి దగ్గర్నుంచి, చాలా విషయాలు కొడాలి నానికి వ్యతిరేకంగా రాజకీయ పవనాలు వీచేలా చేస్తున్నాయ్.
క్యాసినో వ్యవహారం, కొడాలి నాని ఇమేజ్‌ని మరింత దిగజార్చేలా చేసింది. అన్నిటికీ మించి, కొడాలి నాని బూతులు, ‘ఈయనా మన ఎమ్మెల్యే.? రాష్ట్ర వ్యాప్తంగా మన నియోజకవర్గం పరువు పోయింది..’ అని జనం చర్చించుకునే పరిస్థితి వచ్చింది. అటువైపు అభ్యర్థి ఎవరన్నది అనవసరం, ఇంకోసారి కొడాలి నాని మాత్రం గెలవకూడదని గుడివాడ నియోజకవర్గ ప్రజలు చర్చించుకుంటున్నారంటే పరిస్థితి ఏంటో అర్థం చేసుకోవచ్చు.
వైసీపీ పాలనపై తీవ్ర వ్యతిరేకత, వ్యక్తిగతంగా కొడాలి నాని మీద తీవ్ర వ్యతిరేకత.. వెరసి, గుడివాడ నియోజకవర్గంలో కొడాలి నాని విజయావకాశాలు దారుణంగా సన్నగిల్లిపోయాయి. సర్వేల్లోనూ కొడాలి నానికి వ్యతిరేకంగా రిజల్ట్ వచ్చినప్పటికీ, కొడాలి నాని నోటి దురుసుతనానికి భయపడి, వైఎస్ జగన్ మోహన్ రెడ్డి ఆయనకి ఇంకోసారి టిక్కెట్ ఇచ్చినట్లు తెలుస్తోంది.
ఈ పరిస్థితుల్లో ఎలాగైనా గెలవాలన్న ఆలోచనతో, ‘ఎన్టీయార్’ అభిమానుల్ని ప్రసన్నం చేసుకునేందుకు నానా తంటాలూ పడుతున్నారట కొడాలి నాని. అభిమాన సంఘాలతో మీటింగులూ, కుల పరమైన మీటింగులూ.. గట్టిగానే నిర్వహిస్తున్నారు కొడాలి నాని అనుచరులు.
2019 ఎన్నికల్లో పవన్ కళ్యాణ్ అభిమానులతోనూ మీటింగులు పెట్టుకున్న కొడాలి నానికి, ఈసారి కనీసం వాళ్ళతో మీటింగు పెట్టే అవకాశమూ లేకుండా పోయింది. సీనియర్ ఎన్టీయార్ అభిమానులు, జూనియర్ ఎన్టీయార్ అభిమానులు సైతం, కొడాలి నానికి సైడేసేస్తున్నారు.
అయితే, ‘ఎన్టీయార్ అభిమానులు’ అని ముుసుగేసి వైసీపీ కార్యకర్తలతోనే, కొడాలి నాని సరికొత్త పబ్లిసిటీ స్టంట్లు షురూ చేశారు గుడివాడ నియోజకవర్గంలో. ఈ వ్యవహారంపై జూనియర్ ఎన్టీయార్ అభిమానులు గుస్సా అవుతున్నారట కూడా.!