ప‌వ‌న్ క‌ల్యాణ్ ఆస్తులు… అప్పులు… ఎంతంటే!

విశాఖ‌ప‌ట్నం: విశాఖ జిల్లా గాజువాక‌ అసెంబ్లీ అభ్య‌ర్థిగా నామినేష‌న్ దాఖ‌లు చేసిన జ‌న‌సేన అధినేత ప‌వ‌న్ క‌ల్యాణ్ త‌న‌కు సుమారు రూ.33కోట్లు అప్పులు ఉన్న‌ట్లు ఎన్నిక‌ల అఫిడ‌విట్‌లో పేర్కొన్నారు. తనకు మొత్తం రూ. 52 కోట్ల ఆస్తులున్నట్టు అఫిడవిట్‌లో పేర్కొన్న ఆయ‌న చరాస్తులు: రూ.12,00,48,393, స్థిరాస్తులు: రూ.40,81,16,987గా చూపించారు. అలాగే త‌న భార్య అన్నాలెజినోవా పేర చరాస్తులు: రూ. 30,50,112, స్థిరాస్తులు: 40,00,000, పిల్లల పేర: రూ. 2.92 కోట్లు ఉన్న‌ట్లుగా ప‌వ‌న్ అఫిడ‌విట్‌లో తెలిపారు.
ఇదిలా ఉండ‌గా ప‌వ‌న్ అప్పుగా చూపించిన రూ.33 కోట్లు సినీ రంగానికి చెందిన ద‌ర్శ‌కులు, నిర్మాత‌ల నుంచి తీసుకున్న‌వే అన్న‌ట్లుగా తెలుస్తోంది. దీంతో అభిమానులు, కార్య‌క‌ర్త‌ల మ‌దిలో ప‌లు అనుమానాలు లేవ‌నెత్తాయి. ఎన్నిక‌లు ముగిసిన అనంత‌రం ప‌వ‌న్‌క‌ల్యాణ్ ప‌లు చిత్రాల్లో నటించేందుకు అంగీక‌రించే వీరి వ‌ద్ద నుంచి అడ్వాన్స్‌లు రూపంలో వీటిని తీసుకున్నారేమో అన్న చ‌ర్చ కూడా న‌డుస్తోంది. ద‌ర్శ‌కుడు త్రివిక్ర‌మ్ శ్రీనివాస్‌, హారిక‌-హాసిని క్రియేష‌న్ సంస్థ‌, మెగాస్టార్ చిరంజీవి భార్య సురేఖ‌, శ్రీ బాలాజీ సినీ మీడియా సంస్థ‌, శ్రీ వేంక‌టేశ్వ‌ర సినీ చిత్ర‌తో పాటు ప‌లువురి నుంచి ప‌వ‌న్ ప‌ర్స‌న‌ల్ లోన్‌గా ఈ మొత్తాన్ని తీసుకున్న‌ట్లు అఫిడ‌విట్‌లో తెలిపారు.