స్టార్ హీరో సినిమాకి కొబ్బరికాయ కొట్టినప్పటి నుంచి గుమ్మడికాయ కొట్టే వరకు ఆ సినిమాకి సంబంధించి ఏదో ఒక న్యూస్ వైరల్ అవుతూనే ఉంటుంది. వాటిలో నిజానిజాల మాట ఎలా ఉన్నా ఆ వార్తలు మాత్రం కొంతకాలం పాటు హల్చల్ చేస్తూనే ఉంటాయి. తాజాగా ఎంతగా జూనియర్ ఎన్టీఆర్( Jr NTR) సినిమా విషయంలోనూ ఇలాగే జరుగుతుంది. ప్రస్తుతం కొరటాల శివ ( Koratala Siva) దర్శకత్వంలో ‘ దేవర( Devara) ‘ లో నటిస్తున్న జూనియర్.. తర్వాత ప్రశాంత్ నీల్( Prashanth Neel) దర్శకత్వంలో ఓ సినిమా చేయనున్నారు.
పాన్ ఇండియా స్థాయిలో తెరకెక్కుతున్న ఈ సినిమా లో హీరోయిన్ గురించి ఇప్పటికే రకరకాల వార్తలు వైరల్ అయ్యాయి. లేటెస్ట్ గా ఈ సినిమాలో గ్లోబల్ స్టార్ ప్రియాంక చోప్రా( Priyanka Chopra).. తారక్ కి జంటగా నటిస్తుందన్న వార్తలు సోషల్ మీడియాని షేక్ చేస్తున్నాయి. ‘ ఆర్ఆర్ఆర్ ‘ సినిమాతో పాన్ ఇండియా ఇమేజ్ ని సొంతం చేసుకున్నాడు తారక్.
ఇక ప్రియాంక బాలీవుడ్ లో స్టార్ హీరోయిన్ హోదాలో ఉంది. హాలీవుడ్ సత్తా చాటుతోంది. ప్రశాంత్ నీల్ కూడా ‘ కేజిఎఫ్ ‘ సిరీస్ చిత్రాలతో నేషనల్ వైడ్ గుర్తింపు తెచ్చుకున్నారు. ఇక ఆయన ఈ సినిమాని ఎంతో ప్రతిష్టాత్మకంగా తెరకెక్కిస్తుండడంతో.. ఈ సినిమాలో ప్రియాంక అయితే బాగుంటుందని మేకర్స్ భావించారట. జూలై 18న ప్రియాంక పుట్టినరోజుని పురస్కరించుకొని ఈ విషయాన్ని అధికారికంగా ప్రకటిస్తారని టాక్ వినిపిస్తోంది.
టాలీవుడ్ ప్రేక్షకులకు ప్రియాంక సుపరిచితురాలే. మెగా పవర్ స్టార్ రామ్ చరణ్( Ram Charan) నటించిన ‘ తుఫాన్ ‘ సినిమాతో తెలుగు ప్రేక్షకులకు పరిచయమైంది. బాలీవుడ్ లో ఆమె నటించిన కొన్ని చిత్రాలు తెలుగులోనూ విడుదలవడంతో ఇక్కడా ఆమె అభిమానులను సొంతం చేసుకున్నారు.