తెలుగు సినీ పరిశ్రమకి పెద్ద దిక్కు చిరంజీవే.! ఇది క్లియర్.!

తెలుగు సినీ పరిశ్రమకి పెద్ద దిక్కు అంటే ఇంకెవరో కాదు, మెగాస్టార్ చిరంజీవి మాత్రమే. ‘పెద్ద.. అనే మాట చిరంజీవిగారికి నచ్చదుగానీ, ఆయనే చొరవ తీసుకుని సినీ పరిశ్రమ ఎదుర్కొంటున్న సమస్యలకు పరిష్కారం దిశగా ఆంధ్రప్రదేశ్ ముఖ్యమంత్రితో చర్చించి, సానుకూల పరిస్థితులు తీసుకొచ్చారు..’ అని రాజమౌళి చెప్పారంటే, చిరంజీవి ‘స్థాయి’ ఏంటనేది అర్థమవుతుంది.

మహేష్‌బాబు, ప్రభాస్.. ఇలా అందరూ మెగాస్టార్ చిరంజీవి ‘పెద్దరికాన్ని’ ప్రత్యేకంగా గుర్తించారు. ఏడెనిమిది నెలల నుంచి చాలా కన్‌ఫ్యూజన్‌లో వున్నామనీ, చిరంజీవిగారి చొరవతోనే ఆ గందరగోళం నుంచి బయటపడబోతున్నామని ప్రభాస్ వ్యాఖ్యానించాడు.

ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డితో చిరంజీవి నేతృత్వంలో ప్రభాస్, మహేష్, కొరటాల శివ తదితరులు భేటీ అయ్యారు. సినీ పరిశ్రమ సమస్యల గురించి చర్చించారు.

మొన్నీమధ్యనే చిరంజీవి, వైఎస్ జగన్‌తో భేటీ అవడంపై ‘లంచ్ మీటింగ్’ అంటూ సెటైర్లేసిన మంత్రి పేర్ని నాని కూడా, చిరంజీవి చొరవతో సమస్యలు పరిష్కారమవుతున్నాయని తాజాగా వ్యాఖ్యానించడం గమనార్హం. సందట్లో సడేమియా.. అన్నట్టు, ఆర్ నారాయణమూర్తి ‘చిన్న సినిమాల్ని బతికించాలి’ అంటూ ఒకింత గందరగోళం సృష్టించే ప్రయత్నం చేశారు. ఆయనే తేరుకుని, తెలుగు రాష్ట్రాల ప్రభుత్వాలు సినీ పరిశ్రమకు అవార్డులు ఇచ్చేలా చిరంజీవి చొరవ చూపించాలని కోరడం గమనార్హం.

‘మా’ అధ్యక్షుడు మంచు విష్ణు, ఇటీవల మాట్లాడుతూ వైఎస్ జగన్ – చిరంజీవి భేటీని ‘వ్యక్తిగతం’ అని అభివర్ణించారు. పరిశ్రమ తరఫున ఛాంబర్ వుంది, ఇంకోటుంది.. అందరం కలిసి చర్చించుకుంటాం.. అని చెప్పుకొచ్చారు. కానీ, అన్నిటికీ మించి ‘చిరంజీవి ఇమేజ్’ అక్కడ బాగా వర్కవుట్ అయ్యింది.

చిరంజీవిని పరిశ్రమ నుంచి వేరు చేసేందుకు ఎప్పటికప్పుడు కుట్రలు జరుగుతూనే వుంటాయ్. ఆ కారణంగా ‘పెద్దరికాన్ని’ చిరంజీవి వద్దనుకున్నాసరే.. ఆ పెద్దరికం ఆయన్ని వెతుక్కుంటూ వెళుతుందనడానికి ఇంతకన్నా నిదర్శనం ఇంకేం కావాలి.? పెద్దరికం.. అంటే, పది మంది తమ సమస్యల పరిష్కారం కోసం ఓ వ్యక్తిని నమ్ముకోవడం ద్వారా