కరోనా మహమ్మారి వచ్చిన తర్వాత జనాల జీవితాలు ఎలా మారిపోయాయో ప్రత్యేకంగా చెప్పక్కర్లేదు. ఇంటికే పరిమితం కావడం.. జనాలకు దూరంగా ఉండటం వంటివి అలవడ్డాయి. ఇక షికారు చేయాలన్న ఊహ కూడా ఎవరికీ రాదు. ఓవైపు ప్రపంచం మొత్తం ఈ మహమ్మారితో ఇంకా సతమతం అవుతుండగా.. ప్రపంచానికి ఈ వైరస్ ను అంటించిన చైనాలో మాత్రం పరిస్థితి అందుకు విరుద్ధంగా ఉంది.
రెండు నెలలుగా అక్కడ కేసులు నమోదు కాకపోవడంతో జనజీవనం మామూలు స్థితికి వచ్చేసింది. జనాలు జోరుగా హుషారుగా షికార్లు చేస్తున్నారు. దాదాపు 9 నెలల తర్వాత అక్టోబర్ ఒకటో తేదీ నుంచి గోల్డెన్ వీక్ సెలవులను బాగా ఎంజాయ్ చేశారు. దాదాపు 50 కోట్ల మంది ప్రజలు షికారుకు వెళ్లారు. ఇన్నాళ్లూ ఇంటిపట్టునే ఉన్న చైనీయులు.. రెక్కలు వచ్చిన పక్షుల్లా విహరించారు. 42.5 కోట్ల మంది ప్రజలు దేశీయంగా ప్రయాణాలు చేశారని, సెలవులను బాగా ఎంజాయ్ చేశారని అధికార వర్గాలు వెల్లడించాయి. ఇది గతేడాది గోల్డెన్ వీక్ హాలీడే ను ఎంజాయ్ చేసినవారి సంఖ్యలో 80 శాతం కావడం విశేషం.
జనాలు షికారుకు రావడంతో హోటల్ గదుల రేట్లు పెరిగిపోయాయి. గ్రేట్ వాల్ ఆఫ్ చైనా టికెట్లు అమ్ముడైపోయాయి. ఇలా మళ్లీ చైనా ఆర్థిక వ్యస్థకు ఊపు వచ్చింది. కరోనా కారణంగా దెబ్బతిన్న రంగాల్లో పర్యాటకం ఒకటి. ఈ మహమ్మారి కారణంగా అంతర్జాతీయ టూరిజం పరివ్రమ 2020లో కనీసం 1.2 లక్షల కోట్ల డాలర్లు నష్టపోయిందని అంచనా. ఈ నేపథ్యంలో చైనాలో మళ్లీ పర్యాటకం ఊపందుకోవడంతో ఆర్థిక వ్యవస్థ గాడిన పడుతుందని విశ్లేషణలు సాగుతున్నాయి.
ఆగస్టు 15 నుంచి చైనాలో కరోనా కేసులు నమోదు కాలేదు. సెప్టెంబర్ నెలాఖరులో లక్షణాలు లేని రెండు కేసులు బయటపడ్డాయి. ఈ నేపథ్యంలో అక్కడి ప్రభుత్వం ప్రయాణాలు సహా ఇతరత్రా అన్ని ఆంక్షలనూ ఎత్తివేసింది. గత ఆరువారాలుగా ఒక్క కరోనా కేసు కూడా చైనాలో నమోదు కాలేదని, అంటే తమ ప్రజలంతా వైరస్ నుంచి విముక్తులైనట్టేనని చైనా సెంటర్ ఆఫ్ డిసీజ్ కంట్రోల్ అండ్ ప్రివెన్షన్ చీఫ్ ఎపిడిమాలజిస్ట్ వూ జున్ యూ తెలిపారు.
ఇక లక్షణాలు లేని కరోనా బాధితులు ఉండే అవకాశం చాలా తక్కువని పేర్కొన్నారు. ఈ నేపథ్యంలోనే చైనీయులు టూర్లకు హుషారుగా వెళ్లిపోతున్నారు.
20766 903714Good day! This is my first visit to your blog! We are a group of volunteers and starting a new initiative in a community in the same niche. Your blog provided us useful information to work on. You have done a extraordinary job! 727085
199498 472233Really instructive and great bodily structure of topic matter, now thats user pleasant (:. 104119