26 క్యాపిటల్స్.! యునైటెడ్ స్టేట్స్ ఆఫ్ ఆంధ్రప్రదేశ్.!

జనసేన అధినేత పవన్ కళ్యాణ్ ఓ ప్రశ్న సంధిస్తే, అటు వైపు నుంచి సమాధానం దొరకడం కష్టం.! ఎందుకంటే, అటువైపు వున్నది అధికార వైఎస్సార్ కాంగ్రెస్ పార్టీ. సూటిగా, సుత్తి లేకుండా జనసేన అధినేత పవన్ కళ్యాణ్ ప్రశ్నాస్త్రం సంధిస్తారు. సమాధానం చెప్పడానికి వైసీపీ నేతల దగ్గర సబ్జెక్ట్ వుండదు. పవన్ కళ్యాణ్ వ్యక్తిగత జీవితం మీద దాడి చేస్తారు.. ప్యాకేజీ అంటారు.. దత్త పుత్రుడంటారు. అంతకు మించి వైసీపీ నేతలకు ‘తెలివి’ వుంటుందని ఎలా ఆశించగలం.? అయినాసరే, పవన్ కళ్యాణ్ ప్రశ్నిస్తూనే వుంటారు. అట్నుంచి సమాధానం చెప్పే సత్తా ఎవరికీ లేదని తెలిసినా, జనసేన అధినేత ప్రశ్నలు ఎందుకు వేస్తారంటే, ప్రజలు ఆలోచించాలని మాత్రమే. వ్యవస్థలో మార్పు రావాలంటే, అది ప్రజల వల్లనే సాధ్యమవుతుంది. ప్రజల్లో చైతన్యం తీసుకురావడమే పవన్ కళ్యాణ్ లాంటి నాయకుడి లక్ష్యం.!

తాజాగా, జనసేన అధినేత పవన్ కళ్యాణ్ సోషల్ మీడియా వేదికగా ఆసక్తికరమైన వ్యాఖ్య చేశారు. ‘యునైటెడ్ స్టేట్స్ ఆఫ్ ఆంధ్రప్రదేశ్’ అని ప్రస్తావించారు. రాజధానితోనే ఓ ప్రాంతం అభివృద్ధి చెందుతుందనుకుంటే, రాష్ట్రంలో ప్రతి జిల్లా కూడా అభివృద్ధి చెందాలి. ఆ లెక్కన, మూడు రాజధానులేం సరిపోతాయ్.? జిల్లాకి ఒక రాజధాని చెప్పున.. మొత్తం 26 రాజధానులు పెట్టండి.. 26 రాష్ట్రాలు చేసెయ్యండి.. యునైటెడ్ స్టేట్స్ ఆఫ్ ఆంధ్రప్రదేశ్ అనండి.. అంటూ జనసేనాని పవన్ కళ్యాణ్, అధికార వైసీపీని ప్రశ్నించారు. మూడు ప్రాంతాలు, మూడు రాజధానులన్నప్పుడు.. 25 జిల్లాలు, 25 రాజధానులు సబబే కదా.! రాజధాని అమరావతి వల్ల 29 గ్రామాలే బాగుపడతాయనీ, ఓ సామాజిక వర్గమే బాగుపడుతుందని వైసీపీ చెబుతోంది. అదే నిజమైతే, శాసన రాజధాని అక్కడే ఎందుకు.? ఎగ్జిక్యూటివ్ క్యాపిటల్ విషయంలోనూ అదే జరుగుతుంది కదా.? జ్యుడీషియల్ క్యాపిటల్ విషయంలోనూ అంతకు మించి ఏం జరుగుతుంది.?

అయినా, ఎన్నాళ్ళని రాజధాని లేదా రాజధానుల పేరుతో రాష్ట్రంలో అరాచక రాజకీయం రాజ్యమేలుతుందన్న చర్చ ప్రజల్లో జరగాలి. రాష్ట్రానికి రాజధాని అవసరం. ఆ రాజధాని లేకుండా రాష్ట్రాన్ని వైసీపీ పాలిస్తోందన్న విషయాన్ని ప్రజలే గుర్తెరగాలి. రాష్ట్రానికి రాజధాని అవసరమా.? లేదా.? అన్న దిశగా ప్రజలూ ఆలోచన చేయాలి. అసలెందుకు రాష్ట్రానికి రాజధాని లేకుండా పోయిందన్నదానిపై జన బాహుళ్యంలో చర్చ జిగితే, సమాధానం ఖచ్చితంగా బయటకు వస్తుంది.