చిరంజీవి లేకపోతే పవన్ కళ్యాణ్ ఎక్కడ.? అన్న ప్రశ్న ప్రతిసారీ తెరపైకొస్తోంది. నిజమే కావొచ్చు. చిరంజీవి లేకపోతే పవన్ కళ్యాణ్ లేరు. ఈ విషయాన్ని ఎవరో చెప్పాల్సిన పనిలేదు.. పవన్ కళ్యాణ్ చాలా సందర్భాల్లో చెప్పారు. తనకు చిరంజీవి అన్నయ్య మాత్రమే కాదనీ, తండ్రి సమానుడనీ పవన్ కళ్యాణ్ చెబుతుంటారు.
రాజకీయం ఏం చేయగలదు.? అంటే, ఏమైనా చెయ్యగలదు. భార్యా భర్తల్ని విడదీయగలదు.. అన్న దమ్ముల మధ్య చిచ్చుపెట్టగలదు.. అంటారు. వైసీపీ బులుగు రాజకీయం ఇప్పుడు చిరంజీవి, పవన్ కళ్యాణ్ మధ్య చిచ్చు పెట్టేందుకు ప్రయత్నిస్తోంది.
వైఎస్ జగన్ మోహన్ రెడ్డితో విభేదించి వైఎస్ షర్మిల కొత్త రాజకీయ పార్టీ పెడితే, ‘రాజకీయ పరమైన అభిప్రాయ బేధాలు వుంటే వుండొచ్చుగానీ.. అన్నా, చెల్లెళ్ళ మధ్య విభేదాలు ఎప్పుడూ వుండవు..’ అని వైసీపీ నేతలు చెబుతుంటారు.
ఔను, వైసీపీ ఇంట్లో అయితే, హత్యలు జరిగినా.. వాటిని గుండె పోటుగా చిత్రీకరించి.. ‘కేసు లేకుండా’ చేసుకుంటారు. అదే, ఇంకెక్కడైనా ఎవరింట్లో అయినా ఎలాంటి గొడవల్లేకుండా ప్రశాంతంగా వున్నప్పటికీ, అక్కడ చిచ్చు రేపేందుకు ప్రయత్నిస్తారు. ఇదీ బులుగు రాజకీయం.
‘పవన్ కళ్యాణ్, నేనూ.. రైలు పట్టాల్లాంటోళ్ళం. మా ఇద్దరి ఆలోచనలు పరుగులు తీసే దారులు వేరు కావొచ్చు.. మా లక్ష్యం ఒకటే.. ప్రజా సేవ విషయంలో మేమిద్దరం ఒకే తరహాలో లక్ష్యాన్ని నిర్దేశించుకుంటాం..’ అని చిరంజీవి చాలా సందర్భాల్లో చెప్పారు. అయినాగానీ, చిరంజీవికీ.. పవన్ కళ్యాణ్‌కీ మధ్య ‘గొడవ’ పెట్టాలని వైసీపీ నేతలు విశ్వ ప్రయత్నాలు చేస్తూనే వున్నారు.
ఇంత నీఛత్వమా.? కాదు కాదు, నీఛత్వానికే పరాకాష్ట ఇది.