నేషనల్‌ పాపులేషన్‌ రిజిస్టర్‌ (ఎన్‌పిఆర్‌) విషయంలో ఆంధ్రప్రదేశ్‌ ముఖ్యమంత్రి వైఎస్ జగన్ మోహన్ రెడ్డి రివర్స్‌ గేర్‌ వేసేశారు. గతంలో ఎన్‌పిఆర్‌కి మద్దతుగా వైఎస్ జగన్ ప్రభుత్వం ముందడుగు వేసిన విషయం విదితమే. కానీ, ఇప్పుడు సోషల్ మీడియా వేదికపై ఎన్‌పిఆర్‌పై అభ్యంతరాలు వ్యక్తం చేస్తూ ఓ ట్వీటేశారు వైఎస్ జగన్. అంతే కాదు, ఎన్‌పిఆర్‌పై అసెంబ్లీలో చర్చించి తీర్మానం కూడా చేస్తామని ఆ ట్వీట్‌లో సీఎం వైఎస్ జగన్ పేర్కొనడం అందర్నీ విస్మయానికి గురిచేస్తోంది.
సిఎఎ, ఎన్‌ఆర్‌సి, ఎన్‌పిఆర్‌.. ఈ మూడూ ఒకదానితో ఒకటి లింక్ వున్న వ్యవహారాలేనంటూ గత కొంతకాలంగా నానా యాగీ జరుగుతోంది. ఈ మేరకు ఢిల్లీ సహా దేశంలోని పలు నగరాల్లో ఆందోళనలు చోటు చేసుకుంటున్నాయి. ఢిల్లీలో అయితే సీఏఏ సెగల కారణంగా 40 మందికి పైగా ప్రాణాలు కోల్పోయారు. వీటన్నిటికీ మించి, తనకు అత్యంత ఆప్తమిత్రుడైన మజ్లిస్‌ పార్టీ అధినేత అసదుద్దీన్‌ ఒవైసీ ఒకటి రెండుసార్లు ఎన్‌పిఆర్‌ విషయమై చేసిన హెచ్చరికలతో వైఎస్ జగన్ దిగొచ్చినట్లే కన్పిస్తోంది.
అయితే, పార్లమెంటులో మద్దతిచ్చి, ఇప్పుడు రాష్ట్రంలో వైఎస్ జగన్ రివర్స్‌ గేర్‌ వేయడం పట్ల సర్వతా విమర్శలు వెల్లువెత్తుతున్నాయి. మరోపక్క, వైఎస్ జగన్ మంచి నిర్ణయం తీసుకున్నారంటూ వైసీపీ సానుభూతిపరులైన మైనార్టీ నేతలు, కార్యకర్తలు అభిప్రాయపడుతున్నారు. జగన్ ఈ నిర్ణయాన్ని ప్రకటించకముందు, వైసీపీకి చెందిన కొందరు నేతలు, తమ పదవులకు రాజీనామా చేస్తామంటూ సీఏఏ, ఎన్‌పిఆర్‌, ఎన్‌ఆర్‌సిలపై నిరసన గళం విన్పించిన విషయం విదితమే.
ఇదిలా వుంటే, వైఎస్ జగన్ అత్యంత వ్యూహాత్మకంగా ప్లేటు ఫిరాయించారనీ, ఈ పరిణామాలు ఆయనకు ముందు ముందు రాజకీయంగా ఇబ్బందికరమైన పరిస్థితులు తీసుకొస్తాయనీ రాజకీయ విశ్లేషకులు అభిప్రాయపడుతున్నారు. అన్నట్టు, తెలంగాణ ప్రభుత్వం కూడా సీఏఏని వ్యతిరేకిస్తోంది. ఈ మేరకు అసెంబ్లీలో తీర్మానం చేస్తామని గతంలోనే తెలంగాణ ముఖ్యమంత్రి కేసీఆర్‌ ప్రకటించారు.
Some of the questions proposed in the NPR are causing insecurities in the minds of minorities of my state. After elaborate consultations within our party, we have decided to request the Central Government to revert the conditions to those prevailing in 2010. (1/2)
— YS Jagan Mohan Reddy (@ysjagan) March 3, 2020
518378 57286You created some decent points there. I looked on the internet for the issue and discovered most individuals will go coupled with along with your website. 309002
39419 696914Youve actually written a very great quality post here. Thank you very considerably 911603