తెలుగు మీడియా రంగంలో.. అందునా, ఆంధ్రప్రదేశ్ రాజకీయాలకు సంబంధించి ‘పచ్చ మీడియా’ గురించి చాలాకాలంగా వింటున్నాం. ఈ మధ్య ‘బ్లూ మీడియా’ అనే ప్రస్తావన ఎక్కువగానే వస్తోంది. టీడీపీ అనుకూల మీడియాని ‘పచ్చ మీడియా’గా, వైసీపీ అనుకూల మీడియాని ‘బ్లూ మీడియా’గా అభివర్ణిస్తున్నాయి ఆయా రాజకీయ పార్టీలు. ఎలా చూసుకున్నా నిన్న మొన్నటిదాకా తెలుగు మీడియా రంగంలో ‘పచ్చ మీడియా’దే పై చేయి.
కానీ, పరిస్థితులు మారుతున్నాయి. క్రమక్రమంగా ‘పచ్చ మీడియా’ బలం తగ్గిపోతోంది. అందుక్కారణం, టీడీపీ రాజకీయంగా రోజురోజుకీ తన ఉనికిని కోల్పోతుండడమే. తెలంగాణలో ఎప్పుడో ఆ పార్టీ గల్లంతయిపోయింది. ఆంధ్రప్రదేశ్లోనూ టీడీపీ పరిస్థితి ఏమంత గొప్పగా లేదు. టీడీపీకి జాకీలెయ్యాలని ‘పచ్చ మీడియా’ ఎంత ప్రయత్నిస్తున్నా ఫలితం వుండడంలేదు.
మరోపక్క, ‘పచ్చ మీడియా’పై రాజకీయ ఒత్తిళ్ళు ఎక్కువైపోయాయి. తెలంగాణలో దాదాపుగా ‘పచ్చ మీడియా’ అధికార టీఆర్ఎస్కి సరెండర్ అయిపోయింది. ముందు ముందు ఆంధ్రప్రదేశ్లోనూ అదే పరిస్థితి పచ్చ మీడియాకి ఎదురు కావొచ్చనే చర్చ అటు రాజకీయ వర్గాల్లోనూ, ఇటు మీడియా వర్గాల్లోనూ జరుగుతోంది. ఇప్పటికే టీడీపీ అనుకూల మీడియా సంస్థలుగా ప్రచారంలో వున్న కొన్ని మీడియా సంస్థల్ని వైసీపీ తనవైపుకు తిప్పుకుంది.
వైసీపీ మద్దతుదారులైన ప్రముఖ వ్యాపారవేత్తలు, ఆయా మీడియా సంస్థల్ని సొంతం చేసుకునే పనిలో బిజీగా వున్నారు. ‘ఆ రెండు మీడియా సంస్థలు’ కాకుండా మరో మీడియా సంస్థ మాత్రమే ఇప్పుడు పూర్తి స్థాయిలో టీడీపీకి మద్దతిస్తోంది. ముందు ముందు, ‘ఆ మూడిటిలో’ ఒకటి, టీడీపీ చేజారిపోనుందని సమాచారం. యాజమాన్య మార్పు త్వరలో జరగబోతోందనీ, ఇప్పటికే టీడీపీ అనుకూల జర్నలిస్టులకు మేటర్ అర్థమయి, తమ దారి తాము చూసుకుంటున్నారనీ మీడియా వర్గాల్లో గుసగుసలు విన్పిస్తున్నాయి.
తాము ఏం చేసినా, దాన్ని తమ అనుకూల మీడియా నుంచి మద్దతు వస్తుందని ఇన్నాళ్ళూ విర్రవీగిన టీడీపీకి, ఇకపై ఆ భరోసా కూడా లేకపోతే ఎలా.? ఇదే చాలామంది తెలుగు తమ్ముళ్ళని వెంటాడుతోన్న ప్రశ్న. ఆర్థిక మూలాలు దెబ్బతింటోన్న దరిమిలా, కొందరు నేతలు టీడీపీకి దూరం కాక తప్పడంలేదు. టీడీపీ అనుకూల మీడియా సంస్థలకూ అదే పరిస్థితి ఎదురవుతుండడాన్ని ‘స్వయంకృతాపరాధం’గా భావించొచ్చేమో.!
536336 551458It is genuinely a cool and useful piece of data. Im glad that you shared this valuable information with us. Please keep us informed like this. Thanks for sharing. 364070
742561 169213I surely didnt know that. Learnt 1 thing new these days! Thanks for that. 904825