నవ్విపోదురుగాక మనకేటి.? అన్నట్టుంది వైసీపీ నేతల తీరు కరోనా వైరస్‌ విషయంలో. నిస్సిగ్గుగా జనంలోకి పెద్దయెత్తున అనుచరుల్ని వెంటేసుకుని వెళ్ళిపోతున్నారు.. అధికార పార్టీ నేతలు కదా.. వీళ్ళకి నిబంధనలు వర్తించడేమో. సాక్షాత్తూ ముఖ్యమంత్రే మాస్క్ పెట్టుకోవడం పెట్ల పెద్దగా శ్రద్ధ పెట్టడంలేదాయె. ‘నీతులు చెప్పడానికి మాత్రమే.. నిబంధనలు ఇతరులకు మాత్రమే..’ అన్నట్లు అధికార పార్టీ నేతలు వ్యవహరిస్తున్నారు. అంతే కాదండోయ్‌, మాస్క్ పెట్టుకున్నోళ్ళ మీద నిస్సిగ్గు సెటైర్లు కూడా వేసేస్తున్నారు వైసీపీ నేతలు.
టీడీపీ అధినేత నారా చంద్రబాబునాయుడు, వీడియో కాన్పరెన్స్‌లతో కాలక్షేపం చేస్తున్నారన్న విమర్శని పక్కన పెడితే, ఆయన ఈ మధ్య ఓ వీడియో కాన్పరెన్స్‌లో మాస్క్‌తో కన్పించారు. కానీ, అలా చంద్రబాబు మాస్క్‌తో కన్పించడం వైసీపీ నేత రవిచంద్రారెడ్డికి అస్సలేమాత్రం నచ్చలేదు.
‘‘ఇంట్లో వుంటూ మాస్క్‌తో వీడియో కాన్పరెన్స్‌ నిర్వహిస్తూ ప్రజల్ని భయభ్రాంతులకు గురిచేస్తోన్న టీడీపీ (తెలుగు డ్రామా పార్టీ) అధ్యక్షుడు నారా చంద్రబాబునాయుడు.. సమాజం పట్ల బాధ్యత లేని బాబు నాయుడు.. ఛీ.. ఛీ..’’ ఇదీ రవిచంద్రరెడ్డి ట్వీట్‌. మాస్క్ పెట్టుకోవడాన్ని బాధ్యతారాహిత్యమని అనగలమా.? మాస్క్ పెట్టుకోకుండా బాధ్యతారాహిత్యాన్ని ప్రదర్శిస్తున్న వైసీపీ నేతల నోట ఇంతకన్నా గొప్ప మాటల్ని ఆశించగలమా.?
చంద్రబాబో మరొకరో భయభ్రాంతులకు గురిచేయాల్సిన పనిలేదు. రాష్ట్రంలో పెరుగుతున్న కరోనా పాజిటివ్‌ కేసులతో ఆల్రెడీ జనం తీవ్ర భయాందోళనలకు గురవుతున్నారు. ‘కరోనాతో కలిసి సహజీవనం చేయాల్సిందే తప్పదు..’ అని అధికార పార్టీ నిర్లక్ష్యంగా చెబుతోంటే ఏం చేయాలో జనానికి పాలుపోవడంలేదు. ‘అందరికీ కరోనా వస్తుంది.. బహుశా ముందు ముందు కరోనా సోకని వ్యక్తులంటూ ఎవరూ వుండరేమో..’ అని ప్రభుత్వ పెద్దలు చెబుతోంటే.. ఆ ఆందోళనతోనే చాలామంది ప్రాణాలు గాల్లో కలిసిపోతున్నాయి.
కరోనా సోకని వ్యక్తి వుండరు.. అంటే, దానర్థమేంటి.? రాష్ట్రంలో ఆరు కోట్ల మందికీ కరోనా వస్తుందనే కదా.! వస్తే, 1 శాతం మంది ప్రాణాలు కోల్పోయినా.. ఆ సంఖ్యను ఊహించుకోగలమా.? బాధ్యతరాహిత్యానికే పరాకాష్ట ఇది. పైగా, ఇతరులు మాస్క్ ధరించి కన్పిస్తే, ఓర్వలేనితనం.! వైసీపీ మద్దతుదారులు సైతం జీర్ణించుకోలేకపోతున్నారు రవిచంద్రారెడ్డి లాంటి వ్యక్తుల తీరు చూసి.
ఇంట్లో ఉంటూ.. మాస్క్ తో.. వీడియో కాన్ఫరెన్స్ నిర్వహిస్తూ.. ప్రజలను భయ బ్రాంతులకు గురి చేస్తున్న TDP(Total Drama Party )@ncbn అధ్యక్షుడు.. సమాజం పట్ల బాధ్యత లేని…
బాబు నాయుడు… ఛీ ఛీ…. pic.twitter.com/pYynFavLmk— K.RAVI CHANDRA REDDY (@SkymaxRavi) July 29, 2020
586690 453016Its essential to have having access to the information posted here 477248