Pawan Kalyan-CBN: ‘మేం పవన్ కళ్యాణ్‌కి ప్యాకేజీ ఇవ్వలేదు..’ అని ఇంతవరకు తెలుగుదేశం పార్టీ ఎందుకు చెప్పలేదు.? అసలంటూ, ‘దత్త పుత్రుడు’ అన్న ప్రస్తావన తొలిసారిగా తెచ్చిన టీడీపీ జాతీయ ప్రధాన కార్యదర్శి నారా లోకేష్ ఎందుకు, ఆ మాటని ఇప్పటిదాకా వెనక్కి తీసుకోలేదు.?
రాజకీయాల్లో విమర్శలు సహజం.! ఒక్కోసారి ఒక్కోలా మాట్లాడటం రాజకీయ నాయకుల నైజం.! కానీ, కలిసి పని చేయాలనుకున్నప్పుడు.. గతంలో నడిచిన వివాదాలపై ‘సర్దుబాటు’ సమాధానం ఏదో ఒకటి చెప్పాలి కదా.? ఉమ్మడిగా, రాజకీయ ప్రత్యర్థుల్ని ఎదుర్కోవాలన్న సోయ వుండాలి కదా.?
‘వారాహి విజయ యాత్ర’ తర్వాత జనసేన జోరు పెరిగింది. ప్రధానంగా వాలంటీర్ వ్యవస్థపైనా, బైజూస్ కంటెంట్ వ్యవహారంపైనా.. అధికార వైసీపీని జనసేనాని ప్రశ్నిస్తున్న తీరు, అధికార పార్టీని పూర్తిగా ఇరకాటంలో పడిపోయింది.
ఈ క్రమంలో పవన్ కళ్యాణ్ వ్యక్తిగత జీవితంపై ముఖ్యమంత్రి వైఎస్ జగన్ దుర్భాషలాడుతున్నారు. దీన్నే సెల్ఫ్ డిస్ట్రక్షన్ మోడ్.. అనుకోవచ్చు. సరిగ్గా ఈ సమయంలో, అధికార వైసీపీని కాపాడేందుకు.. అన్నట్టు, టీడీపీ అధినేత చంద్రబాబు.. జనసేన అధినేత మీద మొసలి కన్నీరు కార్చుతూ ట్వీటేశారు.
అంతే, మళ్ళీ ‘దత్త పుత్రుడు’ అన్న ప్రచారాన్ని మరింత జోరుగా తెరపైకి తెచ్చేందుకు వైసీపీకి అవకాశం దొరికింది. ఇంతలోనే, చంద్రబాబుతో పవన్ కళ్యాణ్ భేటీ కానున్నారంటూ టీడీపీ అను‘కుల’ మీడియా ప్రచారమొకటి.! కాదు కాదు, జనసేనాని వద్దకే చంద్రబాబు.. అని ఆ తర్వాత సవరణతో కూడిన వార్తలు.!
జరుగుతున్న పరిణామాల్ని జనసేనాని నిశితంగా పరిశీలిస్తున్నారు. చంద్రబాబు వ్యూహాల్ని పసిగట్టారు జనసేనాని. చిన్న ఝలక్ ఇచ్చారు. చంద్రబాబుని కలిసేందుకు పవన్ కళ్యాణ్ సుముఖత వ్యక్తం చేయలేదు. దాంతో, టీడీపీ ఒకింత నిస్తేజానికి గురైంది. టీడీపీ అను‘కుల’ మీడియా పాట్లు అన్నీ ఇన్నీ కావు.!
రైట్ టైమ్‌లో.. జనసేనానిది పెర్‌ఫెక్ట్ డెసిషన్.!