‘రెడ్డి సామాజిక వర్గానికి చెందినవారంతా తప్పనిసరిగా వైసీపీనే తమ సొంత పార్టీగా భావించి ఓట్లెయ్యాలి. ఇతర పార్టీల నుంచి రెడ్లు బరిలో వున్నప్పటికీ కూడా, ఆయా పార్టీలకు రెడ్లు ఓటెయ్యకూడదు.. కాపులు కూడా రెడ్డి పార్టీ అయిన వైసీపీకే ఓటెయ్యాలి.. నా సర్టిఫికెట్లలో కూడా కాపు అనే వుంటుంది..’ అంటూ అధికార పార్టీ నేతలు కుల సంఘాల సమావేశాల్లో కుండబద్దలుగొట్టేస్తున్నారు.
వైసీపీ జాతీయ ప్రధాన కార్యదర్శి, రాజ్యసభ సభ్యుడు విజయసాయిరెడ్డి, గ్రేటర్ విశాఖ ఎన్నికల నేపథ్యంలో రెడ్డిక (రెడ్డి కాదు, రెడ్డిక.. రెడ్డిక అనేది ఉత్తరాంధ్రలో బీసీ కేటగిరీకి చెందిన సామాజిక వర్గం) సామాజిక వర్గానికి చెందిన ఓ కార్యక్రమం వేదికగా చిత్ర విచిత్రమైన వ్యాఖ్యలు చేశారు విసారె. ‘నా సర్టిఫికెట్లలో కూడా కాపు అనే వుంటుంది..’ అని సెలవిచ్చారు విసా రెడ్డిగారు.
‘మతం చూడం.. కులం చూడం.. అందరికీ సంక్షేమ పాలన.. సమానంగా..’ అని ఓ వైపు చెబుతూనే, ఇంకో వైపు అధికార పార్టీ, ఫక్తు ‘రెడ్డి’ రాజకీయాలు చేస్తోంది. వైసీపీని రెడ్డి పార్టీ అనీ, టీడీపీని కమ్మ పార్టీ అనీ, జనసేనను కాపు పార్టీ అనీ.. కొందరు అభివర్ణిస్తోన్న విషయం విదితమే. వైసీపీ హయాంలో పూర్తిగా రెడ్డి సామాజిక వర్గానికి పెద్ద పీట వేస్తూ, ‘కీలక పదవులు’ అప్పగిస్తున్నారు ముఖ్యమంత్రి వైఎస్ జగన్ మోహన్ రెడ్డి.
గతంలో, చంద్రబాబు తన సొంత సామాజిక వర్గం ‘కమ్మ సామాజిక వర్గం’కి అగ్రతాంబూలమిచ్చారు. ఇలా ఈ రెండు పార్టీలూ ‘కులం’ పేరుతో, ‘మతం’ పేరుతో రాజకీయాలు చేస్తూ, జనసేన మీద ‘కాపు ముద్ర’ వేసేందుకు ప్రయత్నిస్తుండడాన్ని ‘రాజకీయ వ్యభిచారం’ అంటే తప్పేముందట.?
సరే, రెడ్డి సామాజిక వర్గం అంతా వైసీపీ వెంట వుంటుందా.? కమ్మ సామాజిక వర్గమంతా టీడీపీ వైపు వుంటుందా.? అంటే, ‘అంత సీన్ లేదు’ అనే సమాధానం రాజకీయ విశ్లేషకుల నుంచి వినిపిస్తోంది. కులాభిమానం వేరు.. రాజకీయం వేరు. లేకపోతే, రెడ్డి సామాజిక వర్గానికి చెందిన నేతలు, వైసీపీలో తప్ప ఇతర పార్టీల్లో వుండకూడదు. కమ్మ సామాజిక వర్గ నేతలంతా టీడీపీలోనే వుండాలి. అలా జరగడంలేదు కదా.? అయినాగానీ, రాజకీయ పార్టీల ‘కక్కుర్తి’ మాత్రం కుల రాజకీయాల్ని, మత రాజకీయాల్నీ ప్రేరేపిస్తూనే వుంటుంది.
కులాల ఓట్లను లాగేందుకు రాజకీయ పార్టీలు ఎన్నికల వేళ ప్రయత్నిస్తోంటే ఎన్నికల సంఘం ఏం చేస్తోంది.? అన్నదే మిలియన్ డాలర్ల ప్రశ్న.
124727 140948An intriguing discussion is worth comment. Im sure that you basically write regarding this subject, may possibly possibly not be considered a taboo topic but typically persons are too small to communicate on such topics. To another. Cheers 259982
634698 115344Thank you for your data and respond to you. bad credit auto loans hawaii 168367