వైఎస్ జగన్ ఫార్ములాని అనుసరించకపోవడమే ట్రంప్ ఓటమికి కారణమట.. చంద్రబాబు ఆశీస్సులతోనే జో బైడెన్ గెలిచారట.. ఇదీ ‘బ్లూ’ పైత్యం. ఒకటేమో బ్లూ మీడియా విశ్లేషణ.. ఇంకోటి వైసీపీ నేత వెటకారం. నవ్విపోదురుగాక మనకేటి సిగ్గు.? అన్నట్లుంది కదూ ఈ మొత్తం వ్యవహారం. అమెరికా అధ్యక్ష ఎన్నికలకీ, ఆంధ్రప్రదేశ్ రాజకీయాలకీ లింకుందా.? అన్న చర్చ ఇంకెక్కడన్నా జరిగితే, చాచిపెట్టి లెంపకాయ కొట్టేస్తారు.. ఆ చర్చను తెరపైకి తెచ్చినోళ్ళని.
అమెరికా అధ్యక్ష ఎన్నికల్లో విజయం సాధించిన జో బైడెన్ని ప్రపంచమంతా అభినందిస్తోంది. ఆంధ్రప్రదేశ్లోనూ పలువురు రాజకీయ నాయకులు సోషల్ మీడియా వేదికగా అభినందించారు జో బైడెన్నీ, ఉపాధ్యక్షురాలిగా గెలిచిన కమలా హారిస్నీ. కమలా హారిస్ భారతీయ మూలాలున్న వ్యక్తి. దాంతో మన భారతీయ ఆడపడుచు అమెరికా ఉపాధ్యక్షురాలయ్యిందన్న ఆనందం ప్రతి భారతీయుడిలోనూ వుంది. అది వేరే చర్చ.
వైఎస్ జగన్ ఫార్ములా ఏంటి.? డోనాల్డ్ ట్రంప్ అనుసరించకపోవడమేంటి.? అసలు అమెరికా అధ్యక్ష ఎన్నికలేంటి.? ఆంధ్రప్రదేశ్ రాజకీయ పరిస్థితులేంటి.? ఇక్కడి అవసరాలేంటి.? అక్కడి రాజకీయ ప్రాధాన్యాలేంటి.? ఇలాంటి ఇంగితం వున్న ప్రశ్నల్ని ఒక్కసారి తమకు తాము సంధించుకుంటే, ఆ పోలికే రాదు. గతంలో చంద్రబాబుకి ఈ తరహా ఆలోచనలు వుండేవి.. ప్రపంచాన్ని తానే ఉద్ధరించేసినట్లు. వైసీపీనే, చంద్రబాబుని ఈ విషయంలో పదే పదే విమర్శిస్తుంటుంది.
అలాంటిది వైసీపీ అనుకూల మీడియాలో, ట్రంప్ ఓటమికీ.. వైఎస్ జగన్ వ్యూహాలకీ లింకు పెట్టడమంటే అంతకన్నా హాస్యాస్పదం ఇంకేముంటుంది.? అమెరికా అధ్యక్ష ఎన్నికలతో రాష్ట్ర రాజకీయాల్ని ముడిపెడితే తమను ఛీకొడతారన్న ఇంగితం లేకుండా.. వెటకారానికో, విశ్లేషణకో ఆ రెండు అంశాల్నీ ముడిపెట్టడం అత్యంత జుగుప్సాకరం. ‘ఇటీవల ఇండియాకి వచ్చిన ట్రంప్, వైఎస్ జగన్ని కలవలేదు.. అందుకే ఓడిపోయాడు..’ అంటూ కొందరు వైసీపీ మేధావులు సోషల్ మీడియాలో పైత్యాన్ని వెదజల్లిన వైనం ఇక్కడ ప్రస్తావనార్హం.
తెలుగు తమ్ముళ్ళు కూడా ఈ విషయంలో తక్కువేమీ కాదండోయ్. ఈ పచ్చ మేధావులు, బ్లూ మేధావులు.. ఆంధ్రప్రదేశ్ ఇమేజ్ని ప్రపంచ వేదికలపైనా నాశనం చేస్తున్నారన్నమాట.
127052 140558Why didnt I take into consideration this? I hear exactly what youre saying and Im so happy that I came across your weblog. You truly know what youre talking about, and you created me feel like I really should learn much more about this. Thanks for this; Im officially a huge fan of your blog 919878
257651 27301Flexibility means your space ought to get incremented with the improve in number of weblog users. 703353