మిల్కి భామకు దెయ్యం .. పట్టిందా ?

ఏంటి ? అలా అంటున్నారు ? అంటూ షాక్ అవుతున్నారా !! ఇప్పుడు అసలు విషయం తెలిస్తే .. మీరు అలాగే అంటారు. ఇంతకీ విషయం ఏమిటంటే .. ఈ మధ్య వరుసగా హర్రర్ సినిమాల్లో నటిస్తున్న తమన్నా మరోసారి మరో హర్రర్ సినిమాకు ఓకే చెప్పింది. ఏంటి షాక్ అయ్యారా ? అదే మరి !! లేటెస్ట్ గా అభినేత్రి 2, ముస్కాన్ అంటూ రెండు హర్రర్ సినిమాల్లో నటించిన తమన్నా తమిళంలో మరో హర్రర్ కామెడీ సినిమాకు ఓకే చెప్పేసింది.

ఆ వివరాల్లోకి వెళితే .. తెలుగులో తాప్సి మెయిన్ లీడ్ గా శ్రీనివాస్ రెడ్డి కీ రోల్ లో మహి వి రాఘవ్ తెరకెక్కించిన ఆనందో బ్రహ్మ సూపర్ హిట్ అయిన విషయం తెలిసిందే. ఈ సినిమాను ఇప్పుడు తమిళంలో రీమేక్ చేస్తున్నారు. తమిళ వెర్షన్ లో తాప్సి పోషించిన పాత్రను తమన్నా చేస్తుందట. ఇప్పటికే ఈ సినిమాకు సంబందించిన సన్నాహాలు జరుగుతున్నాయి. తాజాగా తమన్నాతో చర్చలు జరపడంతో ఆమె ఓకే చెప్పిందట. రోహిన్ వెంకటేశన్ సినిమాకు దర్శకత్వం వహిస్తున్నాడు.

ఆ మధ్య అభినేత్రి సినిమా పై ఎన్నో ఆశలు పెట్టుకున్న తమన్నాకు ఆ సినిమా పెద్ద నిరాశనే మిగిల్చింది. ఆ సినిమా తరువాత ఈ అమ్మడికి అవకాశాలు రాలేదు . దాంతో కాస్త గ్యాప్ తీసుకుని మళ్ళీ తెలుగులో ఎఫ్ 2 తో మంచి విజయాన్ని అందుకుంది. ఈ సినిమా తరువాత అభినేత్రి కి సీక్వెల్ గా వచ్చిన అభినేత్రి 2 కూడా ఆశించిన స్థాయిలో విజయం అందుకోలేదు. దాంతో పాటు హిందీలో కూడా ముస్కాన్ అంటూ మరో హార్రర్ సినిమా చేసింది. మొత్తానికి తమన్నా హర్రర్ సినిమాలతో బిజీ అయ్యేలా ఉంది.