ఆంధ్రప్రదేశ్ కు మూడు రాజధానులు రావొచ్చంటూ ఏపీ అసెంబ్లీలో సీఎం వైఎస్ జగన్ మోహన్ రెడ్డి చేసిన ప్రకటన కొందరికి మోదం, మరికొందరికి ఖేదం మిగిల్చింది. ఉత్తరాంధ్ర, రాయలసీమవాసులు ఈ విషయంలో ఆనందోత్సాహాలతో ఉండగా.. అమరావతి ప్రాంతంలో మాత్రం ఆందోళనలు సాగుతున్నాయి. అమరావతి పరిరక్షణ సమితి పేరుతో జరుగుతున్న ఈ నిరసనలు తొమ్మిదో రోజుకు చేరుకున్నాయి.
తొలుత చిన్నగా ప్రారంభమైన ఈ ఆందోళనలకు ఒక వర్గం మీడియాతోపాటు టీడీపీ అండగా నిలవడంతో క్రమంగా ఊపందుకున్నాయి. తాజాగా బీజేపీ, వామపక్ష పార్టీలు కూడా వారికి మద్దతుగా నిలిచాయి. టీవీల్లో చర్చలు కూడా విపరీతంగా సాగుతున్నాయి. అయితే, ఇంత జరుగుతున్న ముఖ్యమంత్రి వైఎస్ జగన్ మాత్రం ఈ విషయంలో ఎక్కడా స్పందించడంలేదు.
రాజధానుల వ్యవహారంలో ఒకరిద్దరు మంత్రులు మాత్రమే మీడియా ముందుకొచ్చి మాట్లాడారు. మూడు రాజధానులు రావొచ్చంటూ అసెంబ్లీలో ప్రకటించిన తర్వాత జగన్ ఏ కార్యక్రమంలోనూ దాని గురించి ప్రస్తావించలేదు. ఇదంతా జగన్ వ్యూహాత్మక ఎత్తుగడ అని అంటున్నారు. గతంలో పాఠశాలల్లో ఇంగ్లిష్ మీడియం ప్రవేశపెట్టాలనే నిర్ణయంపైనా బోలెడు విమర్శలు వచ్చిన సంగతి తెలిసిందే.
టీడీపీ అధినేత చంద్రబాబు, జనసేన అధ్యక్షుడు పవన్ కల్యాన్, ఉపరాష్ట్రపతి వెంకయ్య నాయుడు వంటివారు జగన్ నిర్ణయాన్ని వ్యతిరేకించారు. వారంతా విమర్శలు చేసిన తర్వాత జగన్ ఒకసారి మీడియా ముందుకొచ్చి అందరినీ ఏకి పారేశారు. ఇంగ్లిష్ మీడియంను వ్యతిరేకిస్తున్న మీ పిల్లలు, మనవలు ఏ మీడియంలో చదువుతున్నారో చెప్పాలంటూ నిలదీశారు. మీ పిల్లలకు మాత్రమే ఇంగ్లిష్ మీడియం కావాలి.. పేదల పిల్లలకు వద్దా అని ప్రశ్నించారు. దీనిపై ప్రజల నుంచి మద్దతు వెల్లువెత్తడంతో వారంతా ఇరుకునపడ్డారు.
తాజాగా అమరావతి ఆందోళనల విషయంలో కూడా జగన్ కావాలనే వ్యూహాత్మక మౌనం పాటిస్తున్నారని తెలుస్తోంది. అమరావతికి మద్దతుగా నిలుస్తూ మూడు రాజధానుల ప్రతిపాదనను వ్యతిరేకిస్తున్న వారంతా ఆయా ప్రాంతాలలో వ్యతిరేకత తెచ్చుకుంటున్నారు. ఇది ఒక విధంగా జగన్ కే లాభం చేకూర్చే పరిణామం. పైగా రాజధానుల ఏర్పాటుపై ప్రభుత్వం ఇంకా అధికారికంగా ఎలాంటి నిర్ణయం తీసుకోలేదు. శుక్రవారం జరిగే కేబినెట్ భేటీలో దీనిపై చర్చించి నిర్ణయం తీసుకుంటారు. ఈ నేపథ్యంలో అనవసరంగా ఆవేశపడి విపక్షాలను విమర్శించడం సరికాదనే భావనతోనే జగన్ దీనిపై స్పందించడంలేదు. మొత్తానికి ఈ వ్యవహారంపై శుక్రవారం స్పష్టత వచ్చే అవకాశం ఉంది.
868075 710472I visited lots of internet site but I conceive this 1 contains something unique in it in it 263416
210417 189806Um, consider adding pictures or a lot more spacing to your weblog entries to break up their chunky appear. 690312
68562 928983Yeah bookmaking this wasnt a bad decision excellent post! . 362175
298284 1169Every email you send ought to have your signature with the link to your internet web site or weblog. That generally brings in some visitors. 16467