మీడియా సంస్థల్లో జరిగే వ్యవహారాల గురించి ఒకప్పుడు సామాన్యులకు పెద్దగా ఆసక్తి వుండేది కాదు. కానీ, ట్రెండ్ మారింది. కొందరు జర్నలిస్టులకు అనూహ్యంగా పాపులారిటీ పెరుగుతోంది. సొంతంగా కొంతమంది ‘ఫాలోవర్స్’ని పెంచుకుంటున్నారు. ఓ టీమ్ ఫామ్ చేసుకుని ఆయా సంస్థల్లో పనిచేస్తూ, తమ ఇమేజ్ పెంచుకునేందుకు ప్రయత్నిస్తున్నారు.
సరే, అసలు విషయంలోకి వస్తే, సీనియర్ జర్నలిస్ట్ వెంకట కృష్ణ గత కొంతకాలంగా ఏబీఎన్ ఛానెల్లో పనిచేస్తున్న విషయం విదితమే. అంతకు ముందు ఆయన ఏపీ24 ఛానల్ అధినేత. ఏపీ24 ఛానల్లో ఏం జరిగిందోగానీ, ఆ ఛానల్ నుంచి తప్పకుని ఏబీఎన్ లోకి వచ్చేశారు. తాజాగా ఇప్పుడు ఏబీఎన్ నుంచి ఆయన్ని గెంటేశారట. ఇదీ ప్రస్తుతం మీడియా, రాజకీయ వర్గాల్లో జరుగుతున్న చర్చ తాలూకు సారాంశం.
‘కొందరు శునకానందం పొందుతున్నారు. ఇది సెలవు మాత్రమే. మళ్ళీ వస్తాను..’ అంటూ వెంకటకృష్ణ సోషల్ మీడియా వేదికగా తనపై జరుగుతున్న ప్రచారానికి కౌంటర్ ఎటాక్ స్థాయిలో ట్వీటేశారు. సరే, ఆయన ఏబీఎన్లో తిరిగి కొనసాగుతారా.? మరో ఛానల్లో చేరతారా.? కొత్త ఛానల్ ఏదైనా పెడతారా.? అన్నది వేరే చర్చ.
ఏపీ24 చానల్ అధినేతగా వున్నప్పుడు పరోక్షంగా ఈనాడు, ఆంధ్రజ్యోతి తదితర మీడియా సంస్థల్ని విమర్శించి, చివరికి ఏబీఎన్లోనే ఆయన పనిచేయాల్సి వచ్చింది. సో, రేప్పొద్దున్న వైసీపీ అనుకూల మీడియా సంస్థలో చేరి, ఆయన తన వాయిస్ మార్చుకున్నా ఆశ్చర్యపోవాల్సిన పని వుండదు. అయితే, ఇక్కడ వెంకటకృష్ణపై వచ్చిన ఆరోపణలు అత్యంత కీలకం. ఏకంగా 50 లక్షల రూపాయల మేర ఓ వ్యక్తిని బ్లాక్మెయిలింగ్ చేశాడనీ, మహిళలతో అసభ్యకరంగా ప్రవర్తించాడనీ.. అందుకే ఆయన్ని ఏబీఎన్ నుంచి గెంటేశారనీ సోషల్ మీడియాలో ప్రచారం జరుగుతోంది.
నిజానికి, ఏబీఎన్ అధినేతపైనా ఇలాంటి విమర్శలు చాలానే కనిపిస్తుంటాయి సోషల్ మీడియాలో. ఆ మాటకొస్తే, ‘బ్లాక్మెయిలింగ్’ జర్నలిజంలో ఓ భాగమైపోయిన రోజులివి. మొత్తమ్మీద, ఇదొక ఇంట్రెస్టింగ్ టాపిక్ అయ్యిందన్నమాట.. ఇటు మీడియా, అటు సోషల్ మీడియా, ఇంకోపక్క రాజకీయ వర్గాల్లో చర్చించుకోవడానికి.!
ఒక ప్రయాణం.. ఎన్నో మజిలీలు, సవాళ్లు వుంటాయి..ప్రస్తుతానికైతే సెలవు మాత్రమే.. అంతకు మించి ఏమైనా వుంటే త్వరలో నేనే చెప్తా.. నన్ను అమితంగా ప్రేమించే కొందరు శునకానందంతో ఏదో troll చేస్తోవుంటారు.. పట్టించుకోవాల్సిన అవసరం లేదు.
— venkata krishna (@vkjourno) March 23, 2021
231654 361159quite excellent goodthis post deserves almost nothing hahaha merely joking: S nice write-up: P 667573
15001 972564Perfectly written subject material , thanks for selective info . 59804
598676 330420I enjoy your work , regards for all of the informative posts . 746185