వరుసగా నాలుగు రోజులు భలేగా కలిసొచ్చేశాయ్‌ ‘సాహో’ సినిమాకి. తొలి రోజు ఓపెనింగ్స్‌ అదరగొడితే, రెండో రోజు జోష్‌ మరింత పెరిగింది. మూడో రోజు ఆదివారం అయితే వసూళ్ళు దుమ్ము దులిపేశాయ్‌. దాంతో ‘సాహో’ మేకర్స్‌ పట్టలేని ఆనందంతో సినిమా తదుపరి ప్రమోషన్స్‌పై ఫోకస్‌ పెట్టారు. సోమవారం వినాయక చవితి కారణంగా కలిసొచ్చింది.
అయితే, షడెన్‌ డౌన్‌ ఫాల్‌ స్టార్ట్‌ అయ్యింది. మంగళవారం పూర్తిగా ఇబ్బందికరమైన పరిస్థితులు కనిపించాయి బాక్సాఫీస్‌ వద్ద. చాలా థియేటర్లలో 40 శాతం కూడా ఆక్యుపేషన్‌ లేని పరిస్థితి కనిపించింది. కాగా, హిందీ వెర్షన్‌ మాత్రం 100 కోట్లు రాబట్టేసింది ఐదు రోజుల్లో. వరుసగా మూడోసారి ప్రభాస్‌ సినిమా ఈ మార్క్‌ దాటింది బాలీవుడ్‌లో.
‘బాహుబలి – ది బిగినింగ్‌’, ‘బాహుబలి ది కంక్లూజన్‌’ సినిమాలతో ఇప్పటికే బాలీవుడ్‌ బాక్సాఫీస్‌ వద్ద తనదైన ఇంపాక్ట్‌ చూపించిన ప్రభాస్‌, ‘సాహో’తోనూ తనదైన ముద్ర వేశాడు. మరోపక్క, ఐదు రోజుల్లో 350 కోట్లు కలెక్ట్‌ చేసినట్లు చిత్ర నిర్మాతలు ప్రకటించారు. ఇవన్నీ ‘గ్రాస్‌’ లెక్కలు. ఓవర్సీస్‌లో 2 మిలియన్ల మార్క్‌ దాటేయడం, అదీ అత్యంత వేగంగా ఈ మార్క్‌ దాటిన చిత్రాల్లో నాలుగోదిగా ‘సాహో’ మిగలడం ఇవన్నీ ప్రభాస్‌ అభిమానులకి పెద్ద ఊరట.
కానీ, సినిమాని 350 కోట్ల రూపాయల భారీ బడ్జెట్‌తో తెరకెక్కించడం.. దానికి తోడు ప్రీ రిలీజ్‌ బిజినెస్‌ చాలా చాలా గట్టిగా జరగడంతో.. ఇప్పుడున్న వసూళ్ళు ఏమాత్రం సరిపోవన్నది ట్రేడ్‌ పండితుల వాదన. సెప్టెంబర్ 13 వరరకూ తెలుగులో పెద్ద సినిమాలేమీ లేకపోయినా.. ఈలోగా ‘సాహో’ నష్టాల్ని కవర్‌ చేయడం చాలా చాలా కష్టమే. అద్భుతం జరగాలి తప్ప, ఇంకో దారి లేదని ట్రేడ్‌ పండితులు తేల్చేశారు.
742606 620119wonderful . Thanks for informations . Ill be back. Thanks once more 760704
745307 66878amazing post. Neer knew this, thanks for letting me know. 670268