Pawan Kalyan: పవర్ స్టార్ పవన్ కళ్యాణ్( Pavan Kalyan)ఫ్యాన్ ఫాలోయింగ్ ఏ రేంజ్ లో ఉంటుందో తెలిసిందే. ఏ హీరోకి లేనంత డైహార్ట్ ఫ్యాన్ ఫాలోయింగ్ ఆయన సొంతం. ఆయన గురించి ఏ చిన్న న్యూస్ అయినా ఇట్టే వైరల్ అయిపోతూ ఉంటుంది. మొన్నటి వరకు కేవలం ట్విట్టర్ ద్వారా అభిమానులకి దగ్గరగా ఉన్న పవన్ లేటెస్ట్ గా ఇన్ స్టా లో అడుగుపెట్టారు. ఆయన అలా అకౌంట్ ఓపెన్ చేశారో లేదో ఇట్టే లక్షల మంది ఆయన ఖాతాని ఫాలో అవ్వడం మొదలుపెట్టారు.
అకౌంట్ ఆక్టివేట్ అయిన కొంతసేపటికి వెరిఫైడ్ మార్క్ లభించింది. ఆ తర్వాత కేవలం 6గంటల 45 నిమిషాల్లోనే మిలియన్ మార్క్ ని తాకింది. పవన్ కంటే ఫాస్ట్ గా వన్ మిలియన్ ఫాలోవర్స్ తెచ్చుకున్న వాళ్ళు ప్రపంచంలో దాదాపు 8 మంది మాత్రమే ఉన్నారు. వారిలో తమిళ స్టార్ హీరో విజయ్ దళపతి ఒకరు. ఇప్పుడు వారి సరసన పవన్ కళ్యాణ్ కూడా చేరిపోయారు. అయితే ఇక్కడ వీళ్ళందరూ ఏదో ఒక పోస్ట్ పెట్టి అకౌంట్ స్టార్ట్ చేసిన వాళ్లే. కానీ ఎటువంటి పోస్టు పెట్టకుండా అతి తక్కువ కాలంలో మిలియన్ మార్క్ చేరుకున్న ఏకైక వ్యక్తి పవన్ మాత్రమే.
‘ఎలుగెత్తు, ఎదిరించు, ఎన్నుకో.. జైహింద్!’ అంటూ మొదలయ్యే పవన్ ఇన్ స్టా లో ప్రస్తుతం ఆయన్ని 1.8 మిలియన్ అంటే 18 లక్షల మంది ఫాలో అవుతున్నారు. ఓవైపు పాలిటిక్స్ లో యాక్టివ్ ఉంటూనే సినిమాలు చేస్తున్నారు. ప్రస్తుతం ఆయన తన మేనల్లుడు సాయిధరమ్ తేజ్( Sai Dharam Tej)తో కలిసి నటించిన ‘బ్రో( BRO)’ చిత్రం విడుదలకు సిద్ధమైంది. ఈనెల 28న ఈ సినిమా ప్రేక్షకుల ముందుకి రానుంది.