కర్నూలు ప్రభుత్వ సర్వజన వైద్యశాలలోని పరిస్థితులు రోగులకు కష్టాలు తెచ్చిపెడుతున్నాయి. ఏజెన్సీ నిర్వాహకులు, ఆసుపత్రి పెద్దలు, వైద్యులు, సూపరింటెండెంట్ మధ్య నెలకొన్న సమన్వయ లోపం వారికి శాపంగా మారుతోంది. జీజీహెచ్ వైద్యులే న్యూరో సర్జరీ ఓపీ విభాగానికి ఎంఆర్ఐ చేయించాలని రాసిచ్చినా ఫిల్మ్ లేనిదే అడ్మిషన్ చేసుకోలేమంటున్నారు. ఆసుపత్రి సూపరింటెండెంట్ ఆదేశించినా అదే పరిస్థితి.
ఎంఆర్ఐ, సీటీ పరీక్షల నిర్వహణను ప్రభుత్వం ఏజెన్సీలకు అప్పగించింది. పరీక్షలు నిర్వహించి రిపోర్టు, ఫిల్మ్స్ కూడా ఏజెన్సీలే ఇవ్వాలి. కానీ.. ఇటివలి ఎంఓయూ ప్రకారం ఎంఆర్ఐ, సీటీ స్కాన్ చేశాక ఫిల్మ్లు ఇవ్వకూడదని నిర్ణయించారు. దీనికి సంబంధించి 16 రోజుల క్రితం ఆసుపత్రి సూపరింటెండెంట్ వేసిన కమిటీ పరిశీలించి ఎంఆర్ఐ, సీటీ స్కాన్ చేశాక రిపోర్టులు మాత్రమే ఇవ్వాలని ఆదేశించడంతో ఫిల్మ్లు నిలిచిపోయాయి.
న్యూరో సర్జరీ, సర్జరీ, న్యూరాలజీ, గ్యాస్ర్టో ఎంట్రాలజీ రోగులకు ఎంఆర్ఐ, సీటీ స్కాన్ పరీక్షల అనంతరం రిపోర్టులు మాత్రమే ఇస్తూండటంతో వైద్యులు సరైన చికిత్స అందించలేకపోతున్నారు. ఫిల్మ్ ఉంటేనే ఖచ్చితమైన చికిత్స, ఆపరేషన్లు చేయగలుగుతారు. దీంతో ప్రస్తుతం కర్నూలు ప్రభుత్వాసుపత్రిలో న్యూరో సర్జరీలో కొన్ని ఆపరేషన్లు జరగకపోవడంతో రోగులు ఇబ్బందులు పడుతున్నారు.
ఎంఆర్ఐ, సీటీ స్కాన్ రిపోర్టు, ఫిల్మ్ విషయంలో 15 రోజుల నుంచీ ఫిర్యాదులు వస్తున్నాయి. అధికారుల ఆదేశాలు, ఏజెన్సీల మొండి వైఖరి మధ్య రోగులు నలిగిపోతున్నారు. ఎంఆర్ఐ ఫిల్మ్కు రూ.250, సీటీ స్కాన్ పిల్మ్కు రూ.200 వసూలు చేయడం తమ ఎంఓయూలో లేదని ఆసుపత్రి అధికారులు అంటున్నాయి. అయితే.. న్యూరో సర్జరీ, గ్యాస్ర్టో ఎంట్రాలజీ విభాగాల్లో అడ్మిట్ అయిన రోగులకైనా ఫిల్మ్ ఇచ్చేలా అధికారులు చర్యలు తీసుకోవాలని రోగులు వారి బంధువులు కోరుతున్నారు.
ప్రత్యామ్నాయ ఏర్పాట్లు చేయకుండా ఎంఆర్ఐ, సీటీ స్కాన్ ఫిల్మ్లను అర్ధాంతరంగా నిలిపేయడంపై తీవ్ర విమర్శలు వస్తున్నాయి. కేవలం కర్నూలులోనే ఈ విధానం ఉండటంతో రోగులు మండిపడుతున్నారు. దీనివల్ల వైద్యులు కూడా ఇబ్బందులకు గురవుతున్నారు. ఫిల్మ్ లేకపోవడంతో డాక్టర్లు ప్రతిసారీ కంప్యూటర్ వద్దకు వెళ్లాల్సి వస్తోంది. ఈ అంశంపై ప్రభుత్వం దృష్టి సారించాలని రోగులు కోరుతున్నారు.
583033 600797Definitely pent topic matter, regards for entropy. 322669
53385 951551forty men and women that work with all of the services Oasis provides, and he is really a really busy man, he 746181
972043 554832As I web-site possessor I believe the content material here is rattling magnificent , appreciate it for your efforts. You should keep it up forever! Best of luck. 879797