ఆంధ్రప్రదేశ్ ప్రభుత్వాన్ని విమర్శించడానికి దొరికే ప్రతి అవకాశాన్నీ సద్వినియోగం చేసుకుంటున్న తెలుగుదేశం పార్టీ జాతీయ ప్రధాన కార్యదర్శి మరోసారి ఏపీ సీఎం వైఎస్ జగన్ పై విమర్శనాస్త్రాలు సంధించారు. పింఛన్ల పంపిణీలో జాప్యం, వరద బాధితులను పట్టించుకోకపోవడం, కియా సంస్థ ప్రతినిధులకు ఎంపీ బెదిరింపులు వంటి అంశాలపై లోకేశ్ తన ట్విట్టర్లో విరుచుకుపడ్డారు.
హిందూపురం ఎంపీ గోరంట్ల మాధవ్ కియా కంపెనీ ప్రతినిధిని బెదిరించారని మండిపడ్డారు. ఇందుకు సంబంధించి ఓ వార్తాపత్రికలో వచ్చిన కథనాన్ని ట్విట్టర్లో పోస్టు చేసిన ఆయన.. ‘‘కియాలాంటి అంతర్జాతీయ సంస్థనే ఈ రేంజ్ లో బెదిరిస్తున్నారంటే, స్థానిక పెట్టుబడిదారులను మీ ‘జె-ట్యాక్స్’ కోసం ఎలా వణికిస్తున్నారో అర్థమవుతోంది. మీకు వీలైతే నాలుగు కంపెనీలను రాష్ట్రానికి తీసుకురండి. అంతేకానీ మా కష్టంతో తెచ్చిన కంపెనీలను మీ పులివెందుల పంచాయతీతో బెదిరించి తరిమేయకండి. మీ దౌర్జన్యాలకు బెదిరి, వాళ్లు వెళ్లి మోదీ గారి దగ్గర పంచాయతీ పెడితే, మొన్న ఢిల్లీలో ఉండి సంజాయిషీ ఇచ్చుకున్నట్టుగా మళ్లీ ఢిల్లీ పరుగెత్తాల్సి ఉంటుంది. అయినా మీ నాయనగారికి ఇచ్చిన మాట కోసం కియా వాళ్లిక్కడ ప్లాంటు పెట్టారని చెప్పుకుంటూ ఈ దాడులేంటి జగన్ గారూ’’ అని ఎద్దేవా చేశారు.
మరో ట్వీట్ లో కష్టపడేది ఒకరు.. రిబ్బన్ కట్ చేసేది మరొకరు అంటూ కియా కార్ల ప్రారంభోత్సవాన్ని ఉద్దేశించి ట్వీట్ చేశారు. వరద ముంపు బాధితులకు సహాయ సహకారాలు అందించే విషయంలోనూ ప్రభుత్వ పనితీరును లోకేశ్ విమర్శించారు. ‘‘మీరేమో కాసేపు గాలిలో చక్కర్లు కొట్టి మమ అనిపించారు. మీ మంత్రులు ఏదో షికారుకు వచ్చినట్లుగా వచ్చి వెళ్లారు తప్ప బాధితులను పట్టించుకోలేదు. ప్రకృతి విపత్తు సమయంలో ఇలాగేనా వ్యవహరించేది? ఇదేనా ప్రజలపట్ల మీ బాధ్యత’’ అని ప్రశ్నించారు.
ఇక రాష్ట్రంలో ఒకటో తారీఖుకి పింఛన్లు ఇవ్వకుండా నిరుపేదలను ఇబ్బందులకు గురి చేస్తున్నారని లోకేశ్ మండిపడ్డారు. ‘‘ప్రమాణ స్వీకారం రోజున పింఛన్ల గురించి అట్టహాసంగా చెప్పుకున్నారు. మరుసటి నెల మీ తండ్రిగారి పుట్టినరోజు వరకు పింఛన్లు ఇవ్వకుండా పేదలను తిప్పించుకుని, మళ్లీ మీ గొప్పలను ప్రచారం చేసుకున్నారు. ఇంత ప్రచారం చేసుకుంటే ఇక నుంచైనా ఒకటో తారీఖున పింఛన్లు ఇస్తారని అనుకున్నాం. ఎనిమిది రోజులైనా ఈ అవస్థలేంటి సీఎం గారు’’ అని జగన్ పై లోకేశ్ విరుచుకుపడ్డారు.
574073 530951Yeah bookmaking this wasnt a risky decision outstanding post! . 184567
92078 984687But wanna admit that this is quite beneficial , Thanks for taking your time to write this. 625191