చట్టసభలంటే దేవాలయాల అంత పవిత్రమైనవి. ప్రజల కోసం, ప్రజా సమస్యల పరిష్కారం కోసం చర్చ జరిగే ప్రదేశం అది. కానీ దురదృష్టవశాత్తు అవి సజావుగా సాగడం అనేది మనకు ఎక్కడా కానరాదు. అధికార, ప్రతిపక్ష సభ్యుల మధ్య నిర్మాణాత్మక చర్చ జరగడం అనేది అసలే ఉండదు. ఒకరిపై మరొకరు సవాళ్లు, ప్రతిసవాళ్లు.. తిట్లు, దూషణలు.. కొన్ని సందర్భాల్లో బాహాబాహీలు కూడా జరుగుతుంటాయి. జనాలకు కూడా చట్టసభలంటే ఇంతే కదా అని అర్థమైపోయింది. అయితే, థాయ్ ల్యాండ్ ఎంపీ మాత్రం చట్టసభ అర్థాన్నే మార్చేశారు. ఓ వైపు కీలకమైన బడ్జెట్ ప్రవేశపెడుతుండగా.. ఆయన మాత్రం తన సెల్ ఫోన్ లో పోర్న్ చూస్తూ గడిపారు. థాయ్ అధికార పార్టీ పలాంగ్ ప్రచారత్ కి చెందిన రోనాథెప్ అనువాత్ చోన్ బురి ప్రావిన్సుకు ప్రాతినిథ్యం వహిస్తున్నారు.
బుధవారం పార్లమెంటులో బడ్జెట్ ప్రవేశపెడుతున్నారు. కీలకమైన ఈ అంశాన్ని సభ్యులందరూ జాగ్రత్తగా చూడాల్సిన అవసరం ఉంది. అయితే అనువాత్ మాత్రం ఇది మనకెందుకు అనుకున్నారు. తన సెల్ ఫోన్ తీసుకుని అందులో పోర్న్ ఫొటోలు చూస్తూ గడిపారు. దాదాపు 10 నిమిషాలపాటు ఆయన వాటిని తదేకంగా చూస్తూ ఉన్నారు. ఇదంతా గ్యాలరీలో ఉన్న విలేకరులు గమనించి.. అదంతా రికార్డు చేశారు. దీంతో అనువాత్ నిర్వాకం సోషల్ మీడియాలోనూ వైరల్ అయింది. అడ్డంగా దొరికిపోవడంతో చేసిన తప్పు ఒప్పుకోక తప్పలేదు. అయితే, ఓ కట్టుకథ అల్లారు. తన మొబైల్ కు ఏదో లింక్ వచ్చిందని.. దాన్ని ఓపెన్ చేసి చూడగా.. ఓ మహిళ తనకు సహాయం కావాలంటూ కోరిందని చెప్పాడు. ఆ మహిల నిజంగా ప్రమాదంలో ఉందా లేదా అనే విషయం తెలుసుకోవడానికే ఆ ఫొటోలను పరిశీలించి చూశానని వివరణ కూడా ఇచ్చాడు. కానీ ఈ వివరణ సరిగా లేకపోవడంతో అనువాత్ ను నెటిజన్లు ఏకిపారేస్తున్నారు.
మరోవైపు ఇదంతా ఆయన వ్యక్తిగత వ్యవహారం అని.. ఈ విషయంలో ఎవరూ ఫిర్యాదు కూడా చేయనందున అనువాత్ పై ఎలాంటి చర్యలూ తీసుకోలేమని స్పీకర్ కూడా తేల్చి చెప్పేశారు. చట్టసభలో పోర్న్ చూడటం ఇదే మొదటిసారి కాదు.. గతంలో మనదేశంలోనూ అలాంటి ఘటనలు చోటుచేసుకున్నాయి. 2012లో కర్ణాటక శాసనసభలో బీజేపీకి చెందిన లక్ష్మణ్ సవాడి, సీసీ పాటిల్ సభ జరుగుతుండగా పోర్న్ చూస్తూ అడ్డంగా బుక్కయ్యారు. ఈ వివాదంపై పెద్ద ఎత్తున విమర్శలు రావడంతో పదవులకు రాజీనామా చేయాల్సి వచ్చింది. అయితే, ఏడేళ్ల తర్వాత లక్ష్మణ్ కర్ణాటక డిప్యూటీ సీఎం కావడం విశేషం.
51034 875849Thank you for your information and respond to you. auto loans westvirginia 90411
957573 500854I like the way you conduct your posts. Hmm 851536