కొమరం భీమ్ మనవడి రూపంలో ‘ఆర్ఆర్ఆర్’ కి మరో సమస్య.!

అక్టోబర్ 22న స్వాతంత్య్ర సమరయోధుడైన కొమరం భీమ్ 119వ జయంతి సందర్భంగా దర్శకధీరుడు ఎస్ఎస్ రాజమౌళి రూపొందిస్తున్న పాన్ ఇండియా ప్రాజెక్ట్ ‘ఆర్ఆర్ఆర్’ నుంచి యంగ్ టైగర్ ఎన్.టి.ఆర్ పోషిస్తున్న కొమరం భీమ్ పాత్రకి సంబందించిన టీజర్ ని ‘రామరాజు ఫర్ భీమ్’ అనే పేరుతో రిలీజ్ చేశారు. ఈ టీజర్ కి ఇండియా వైడ్ సూపర్బ్ రెస్పాన్స్ రావడమే కాకుండా ఆమోదటి 24 గంటల్లో యు ట్యూబ్ రికార్డ్స్ ని కొల్లగొట్టింది.

ఇక్కడి వరకూ బాగానే ఉంది కానీ టీజర్ చివర్లో తారక్ ని ముస్లిమ్ గెటప్ లో చూపించారు. ఆ ముస్లిం గెటప్ ఇప్పుడు సర్వత్రా చర్చనీయాంశమైంది. కొమరం భీమ్ గోండు అనే ట్రైబల్ కమ్యూనిటీకు చెందిన వ్యక్తిని ముస్లింగా ఎలా చూపిస్తారని కొందరు ప్రశ్నిస్తున్నారు. మరికొంత మంది అది ఫిక్షనల్ స్టోరీ అని, అందుకే రాజమౌళి ఇలా పాత్రను మార్చాడని అంటున్నారు. ఇలా ఎవరికీ వారు వాదనలు వినిపిస్తుండడం ఈ చిత్ర టీంకి పెద్దగా ఇబ్బందిగా మారింది. ఇప్పటికే హిందుత్వ మరియు ట్రైబల్ కమ్యూనిటీకి చెందిన వారు టీజర్ ని డిలీట్ చేసి, అందులోని ముస్లీమ్ షాట్స్ ని మార్చి రిలీజ్ చేయాలని డిమాండ్ చేస్తున్నారు. ఇక్కడి వరకూ టీం సైలెంట్ గానే ఉంది, కానీ తాజాగా కొమరం భీమ్ మనవడు రంగంలోకి దిగడంతో ఈ వివాదం మరో కొత్త మలుపు తీసుకుంది.

కొమరం భీమ్ మనవడు సానే రావు.. రాజమౌళి గారు సినిమా తీసేముందు మా ఫ్యామిలీని ఒకసారి సంప్రదించి ఉండాల్సిందని, టీజర్ లో ఆ హాట్స్ చూసి మేము ఇబ్బంది పడ్డామని, అందుకే రాజమౌళి ఆ టీజర్ ని తీసేసి, మళ్ళీ ముస్లిమ్ షాట్స్ లేని టీజర్ ని రిలీజ్ చేయాలని రాజమౌళిని కోరారు.

మరి ఈ విషయంపై ఇకేనా స్పందించని రాజమౌళి అండ్ టీం ఎలా రియాక్ట్ అవుతారో చూడాలి. మరి కొమరం భీమ్ మనవడు కోరినట్టు టీజర్ మారుస్తారా లేక అలానే ఉంచేస్తారా? అనేది వేచి చూడాలి. కథా పరంగా నైజాం అడ్డాలో ముస్లిం యువకుడిగా కొమరం భీమ్ చేరి తాను అనుకున్నది సాధిస్తాడని అదే ఈ సినిమాలో ప్రధాన ట్విస్ట్ అని తెలుస్తోంది. కథలో ఇది ఇంత కీలకం అయినప్పుడు రాజమౌళి టీజర్లో తీసినా, సినిమాలో తీయలేని పరిస్థితి కాబట్టి రాజమౌళి ఎలా సమాధానం ఇస్తాడా అనేది ఆసక్తిగా ఉంది.