ప్రజాస్వామ్యంలో ఓటే ఆయుధం. ఐదేళ్లకోసారి వచ్చే ఓట్ల పండుగలో ఓటరు సంధించే బ్రహ్మాస్త్రం. తమ తలరాతను నిర్దేశించే నేతల తలరాత రాసే ఓటరు.. ఈ విషయంలో ఉదాసీనంగా ఉండటం క్షమించరాని నేరం. వాస్తవానికి ఓటేసే విషయంలో పల్లె జనానికి ఉన్నంత చైతన్యం పట్టణ ఓటరుకు ఉండదు. గ్రామాల కంటే పట్టణాలు, నగరాల్లో ఓటింగ్ శాతం తక్కువ నమోదు కావడమే ఇందుకు కారణం.
దీంతో ఓటింగ్ శాతం పెంచడానికి ఎన్నికల సంఘం కూడా చర్యలు చేపట్టింది. ఓటేయాలంటూ ప్రచారం చేపట్టింది. అయితే, ఎన్నికల సంఘం ఎంత ప్రచారం చేసినప్పటికీ.. ప్రముఖులు కూడా ఓటు ప్రాముఖ్యత చెప్పినప్పటికీ.. పలువురు ఓటు వేయడాన్ని లైట్ గానే తీసుకుంటున్నారు. పోలింగ్ రోజు ఇచ్చే సెలవును విహారయాత్రలు వెళ్లడానికి, సొంత పనులు చూసుకోవడానికి వాడుకుంటున్నారు. ముఖ్యంగా ఐటీ సంస్థల ఉద్యోగులు పోలింగ్ కు దూరంగా ఉంటున్నారని గుర్తించారు.
దీంతో బెంగళూరులోని కంపెనీలు కూడా రంగంలోకి దిగాయి. ఓటు కోసం సెలవును దుర్వినియోగం చేయకుండా చర్యలు చేపట్టాయి. సార్వత్రిక ఎన్నికల్లో భాగంగా బెంగళూరులో రెండో దశలో ఎన్నికలు జరగనున్నాయి. ఈ నెల 18న అక్కడ జరిగే పోలింగ్ లో తమ సంస్థ ఉద్యోగులు కూడా పాల్గొనేలా చేయాలని ఐటీ కంపెనీలు గట్టిగా నిర్ణయం తీసుకున్నాయి. పోలింగ్ లో ఓటేసేందుకు ఆ రోజు సెలవు ప్రకటించాయి. అయితే, తాము ఎన్నికల్లో ఓటు వేసి, తాము ఓటు వేసినట్టు ఆధారాలను హెచ్ ఆర్ విభాగంలో సమర్పించాలని షరతు విధించాయి. అలా చేసినవాళ్లకే వేతనంతో కూడిన సెలవు లభిస్తుంది. లేనిపక్షంలో వారికి సెలవు రద్దు అవుతుంది. పైగా ఓటు వేయనందుకు చర్యలు కూడా తీసుకోనున్నాయి.
తమ ఉద్యోగులంతా ఓటింగ్ లో పాల్గొనేలా చేసేందుకే ఈ నిర్ణయం తీసుకున్నట్టు ఓ సంస్థ ప్రతినిధి వెల్లడించారు. ఓటింగ్ రోజున సెలవు ఇస్తే, ఓటు వేయకుండా విహారయాత్రలకు వెళుతున్నారనే ఆరోపణలు వస్తున్నాయి. ప్రజాస్వామ్యంలో శక్తివంతమైన ఆయుధాన్ని పక్కన పడేస్తున్నారని విమర్శలు వ్యక్తమవుతున్నాయి. ముఖ్యంగా ఉద్యోగులు ఇలా చేయడం సబబు కాదని ప్రజాస్వామ్యవాదులు పేర్కొంటున్నారు. ఈ నేపథ్యంలో ఐటీ కంపెనీలు తీసుకున్న నిర్ణయంపై హర్షం వ్యక్తమవుతోంది. ఇన్ఫోసిస్ సహా పలు పేరు పొందిన ఐటీ సంస్థలు తమ ఉద్యోగులు ఓటేసేలా చర్యలు తీసుకున్నట్టు సమాచారం. ఈ మేరకు ఉద్యోగులకు సందేశాలు పంపినట్టు తెలుస్తోంది.
405345 430261i always enjoy to do blog hopping and i stumbled upon your weblog .”~; 101305
49389 181718Quite very best people messages are meant to charm allow honor toward groom and bride. Newbie speakers in front of excessive locations really should usually our own gold colored dominate in presenting and public speaking, which is to be personal interests home. greatest man speach 645529