బిగ్‌బాస్‌లో ‘రివర్స్‌’ గేర్‌.. ఈ గాసిప్‌ నిజమేనా.?

వైల్డ్‌ కార్డ్‌ ఎంట్రీ అయిన అలీ రెజాని పక్కన పెడితే, వరుణ్‌ సందేశ్‌తోపాటు మొత్తం నలుగురున్నారు టాప్‌-4లో. రాహుల్‌ సిప్లిగంజ్‌ టైటిల్‌ విన్నర్‌గా నిలిస్తే, శ్రీముఖి రన్నరప్‌ అయ్యింది. మూడో ప్లేస్‌ బాబా భాస్కర్‌ది కాగా, చిత్రంగా వరుణ్‌ సందేశ్‌కి నాలుగో స్థానం దక్కింది. అయితే, సోషల్‌ మీడియాలో వరుణ్‌ సందేశ్‌ అభిమానులు మాత్రం ఇంకో ఈక్వేషన్‌ చెబుతున్నారు.

వారి లెక్క ప్రకారం వరుణ్‌ సందేశ్‌ (1), బాబా భాస్కర్‌ (2), శ్రీముఖి (3), రాహుల్‌ సిప్లిగంజ్‌ (4) అట. అంటే, అచ్చంగా ఇప్పుడు జరిగినదానికి రివర్స్‌లో వరుణ్‌ అభిమానుల లెక్కలున్నాయన్నమాట. నిజానికి, ఓటింగ్‌ ముగిసే సమయానికి సోషల్‌ మీడియాలో ట్రెండ్స్‌ కూడా ఇలాగే కన్పించాయి. మరి, స్టేజ్‌ మీద ఈక్వేషన్‌ ఎలా మారిందట.? ఇదే, ఇప్పుడెవరికీ అర్థం కావడంలేదు.

గతానికి భిన్నంగా ఈసారి హాట్‌ స్టార్‌ ద్వారా ఓటింగ్‌ జరిగింది.. మిస్డ్‌ కాల్స్‌ వ్యవహారం కూడా వున్నా.. ఎందుకో, ఈసారి ఓటింగ్‌పై కొంత గందరగోళం కన్పిస్తోంది. ఇప్పటికీ వరుణ్‌ సందేశ్‌ అభిమానులు, సోషల్‌ మీడియాలో తమ అభిమాన హీరోకి అన్యాయం జరిగిందని అంటున్నారు. వితిక ఎలిమినేషన్‌ని కూడా వారంతా తప్పు పడుతున్నారు. ఆ మాటకొస్తే, పునర్నవి ఎలిమినేషన్‌ కూడా సబబు కాదన్నది వారి వాదన.

వరుణ్‌ సందేశ్‌తోపాటుగా, వితిక, పునర్నవి, రాహుల్‌.. ఈ నలుగుర్నీ ఓ టీమ్‌గా అభిమానులు భావిస్తూ వచ్చారు. ‘పివివిఆర్‌’ అనే పేరుతో ఆ టీమ్‌ని అలా నడిపారు అభిమానులంతా. అన్నట్టు, ఈ నలుగురూ బీభత్సమైన పార్టీ చేసుకున్నారట.. షో ముగిసిన తర్వాత. ‘మేం నలుగురిలో ఎవరు గెలిచినా ఓకే.. సీజన్‌ ముగిశాక అమెరికాలో ట్రిప్‌ ప్లాన్‌ చేసుకున్నాం..’ అని పునర్నవి ఆ మధ్య ప్రకటించిన విషయం విదితమే. వివాదాల సంగతి పక్కన పెడితే, ఈ నలుగురూ ఇప్పుడు ‘బిగ్‌’ సక్సెస్‌ని ఎంజాయ్‌ చేస్తున్నారన్నమాట.