Pawan Kalyan: ‘సీఎం.. సీఎం.. సీఎం..’ పవర్ స్టార్, జనసేన (Janasena) అధినేత పవన్ కల్యాణ్ (Pawan Kalyan) ను ఉద్దేశించి అభిమానులు హోరెత్తించే నినాదం ఇది. సినిమా వేడుక అయినా.. రాజకీయ ప్రసంగం అయినా ఈ నినాదం అభిమానుల నుంచి రావాల్సిందే. దీనిపై పవన్ సందర్భోచితంగా మాట్లాడతారు. అయితే.. తొలిసారి ఓ సినీ సెలబ్రిటీ ఏకంగా ‘ఏపీ సీఎం పవన్ కల్యాణ్’ అని ఏకంగా ట్వీట్ వేయడంతో ఆమెపై నెటిజన్లు ట్రోలింగ్ చేస్తున్నారు.
వాల్తేరు వీరయ్యలో స్పెషల్ సాంగ్ చేసిన బాలీవుడ్ బ్యూటీ ఊర్వశి రౌతేలా (Urvashi Rautela).. పవన్ కల్యాణ్, సాయి తేజ్ మూవీ ‘బ్రో’లో కూడా స్పెషల్ సాంగ్ చేసింది. ఈ సినిమా నేడు విడుదలవుతున్న సందర్భంగా ఆమె చేసిన ట్వీట్ లో ‘గౌరవనీయ ఆంధ్రప్రదేశ్ ముఖ్యమంత్రి పవన్ కల్యాణ్ తో నటించడం సంతోషంగా ఉంద’ని పేర్కొంది. దీంతో ఆమె పోస్ట్ పై ట్రోల్స్ వచ్చాయి. పవన్ సీఎం ఎప్పుడయ్యారు, ఏపీ సీఎం జగన్.. ఆ విషయం మీకు తెలుసా.. అని కామెంట్స్ చేస్తున్నారు.
Delighted to share screen space with the esteemed Chief Minister of Andhra Pradesh @PawanKalyan in our film #BroTheAvatar 🎥 🍿 releases tomorrow #28thJuly worldwide 🌎 story about an arrogant person who is given a second chance to fix his mistakes after death. See you all ♥️… pic.twitter.com/IncVf6q1Kb
— URVASHI RAUTELA🇮🇳 (@UrvashiRautela) July 27, 2023