కూతురును పరిచయం చేసిన హరితేజ

తెలుగు బుల్లి తెర ప్రేక్షకులకు సుపరిచితురాలు అయిన హరితేజ ఈ ఏడాది ఏప్రిల్‌ 5న పాపకు జన్మనిచ్చిన విషయం తెల్సిందే. డెలవరీ సమయంలో చాలా ఇబ్బందులు పడ్డట్లుగా ఆమె వెళ్లడించిన విషయం తెల్సిందే. ఆ సమయంలో కరోనా వల్ల తాను బాధ పడుతున్నట్లుగా వెళ్లడించిన ఆమె ఆ తర్వాత కోలుకుని సంతోషంగా ఉన్నట్లుగా చెప్పుకొచ్చింది. పాపకు మూడు నెలలు పూర్తి అయిన సమయంలో నెటిజన్స్‌ తో పాప ఫొటోలను పంచుకుంది. అదే సమయంలో పాప పేరును కూడా ప్రకటించింది.

తన ముద్దుల పాపకు భూమిక దీపక్‌ రావు అని పేరు పెట్టినట్లుగా ప్రకటించింది. 2015 సంవత్సరంలో దీపక్‌ ను వివాహం చేసుకున్న తర్వాత కూడా సినిమాల్లో మరియు సీరియల్స్ లో ఇతర షోల్లో కనిపించి మెప్పించిన హరితేజ బిగ్‌ బాస్ లో మంచి గుర్తింపు దక్కించుకుంది ఆమె ఎర్జికి హోస్ట్‌ ఎన్టీఆర్‌ కూడా ఫిదా అయ్యాడు. చివరకు వరకు కొనసాగిన ఆమె విజేత కాలేక పోయినా కూడా మంచి పేరు మాత్రం తెచ్చుకుంది. ఇక పాప కాస్త పెద్ద అయిన తర్వాత మళ్లీ సినిమాలతో బిజీ అవుతాను అంటూ చెబుతున్న హరితేజ ముందు ముందు మరిన్ని మంచి సినిమాల్లో నటిస్తుందని ఆశిద్దాం.