ఇన్సైడ్ సోర్స్ : ట్రైనర్ ను వేపుకుతిన్న స్టార్ హీరో వైఫ్

సినిమా ఇండస్ట్రీ అనేది వింత ప్రపంచం. ఒక్కోసారి ఇక్కడ ఏం జరుగుతున్నా కూడా కామ్ గా మన పని మనం చేసుకుంటూ వెళ్లిపోవాల్సిన పరిస్థితి వస్తుంది. ఇక్కడ డబ్బుకి ఇచ్చే వేల్యూ మరి దేనికీ ఉండదు. అందులోనూ మన డబ్బు ఐతే ఒకలా, నిర్మాతల డబ్బు అయితే ఒకలా ప్రవర్తిస్తుంటారు కొంత మంది.

తాజాగా ఇలాంటి సంఘటనే ఒకటి టాలీవుడ్ సర్కిల్స్ లో హాట్ టాపిక్ అయింది. ఒక స్టార్ హీరోకి పర్సనల్ ట్రైనర్ అవసరమొచ్చి ముంబై నుండి ఒక బడా ట్రైనర్ ను తీసుకొచ్చి ఇక్కడ మాదాపూర్ లోని ఒక హోటల్ లో ఆతిధ్యమిప్పించింది ఆ హీరో భార్య. అయితే ఇంతవరకూ కథ బానే ఉన్నా ఆ ట్రైనర్ కు చుక్కలు చూపిస్తోందిట నటి కూడా అయిన ఆ హీరో భార్య.

అసలు హోటల్ నుండి ఏం ఆర్డర్ చేసుకోనివ్వకుండా అన్నీ ఇంటినుండే ఫుడ్ పంపడం వంటివి చేస్తోందిట. ఏదైనా ఆ ట్రైనర్ ఆర్డర్ చేసుకున్నా కూడా ఆ బిల్ ను పట్టుకుని అది ఎందుకు ఆర్డర్ చేసారు, ఇది ఎందుకు ఆర్డర్ చేసారు అంటూ ప్రశ్నల మీద ప్రశ్నల వర్షం కురిపిస్తోందిట.

లాండ్రీ కూడా ఇంటి వద్దే చేయించి మళ్ళీ హోటల్ కు పంపడం చేసిందిట. ఈమె చర్యలకు విసిగిపోయిన సదరు ట్రైనర్, ముంబై నుండి భార్య, పిల్లాడు వస్తే తన ఖర్చులతోనే రూమ్ ఒకటి తీసి అందులో దింపాడట. మరోసారి ఈ స్టార్ హీరో కోసం పనిచేయకూడదని, బాలీవుడ్ లో స్టార్ హీరోలతో సైతం పనిచేసిన ఆ ట్రైనర్ బలంగా ఫిక్స్ అయిపోయినట్లు తెలుస్తోంది.

నిర్మాత ఖర్చులైతే ఒకలా, మన ఖర్చులైతే ఒకలా ప్రవర్తిస్తోన్న ఆ స్టార్ హీరో భార్యపై అందరూ విసుగ్గానే ఉన్నట్లు తెలుస్తోంది. ఏదైనా ఫారిన్ షెడ్యూల్ ఉంటే భార్యను కూడా నిర్మాత అకౌంట్ లోనే తీసుకెళ్లే ఆ స్టార్ హీరో, తన విషయం వచ్చేసరికి ఇలా ప్రవర్తించడం నిజంగా విడ్డూరమే అని ఫిలిం సర్కిల్స్ లో చెవులు కొరుక్కుంటున్నారు.

ఏదైనా ఆ స్టార్ డిమాండ్ చేసి సదరు నిర్మాత ఇవ్వలేము అంటే ఆ భార్య “బాబు గారు, హర్ట్ అవుతారండి” అని ఒక స్టేట్మెంట్ కూడా ఇస్తుందిట. మరి ఇంతకీ ఆ స్టార్ హీరో ఎవరో, నటి కూడా అయిన ఆ భార్య ఎవరో ఇప్పటికైనా వెలిగిందా?