డాక్టర్ సుధాకర్.. ఆంధ్రప్రదేశ్ రాజకీయాల్లో ఈ పేరు సృష్టిస్తోన్న ప్రకంపనలు అన్నీ ఇన్నీ కావు. నర్సీపట్నం ఏరియా ఆసుపత్రి వైద్యుడైన (మత్తు డాక్టర్) డాక్టర్ సుధాకర్, మాస్క్లు మరియు పీపీఈ కిట్స్ కోసం ప్రభుత్వాన్ని ప్రశ్నించాడు.. అదీ సెల్పీ వీడియో ద్వారా.! అంతే, ఆ తర్వాత చిత్ర విచిత్రమైన రాజకీయాలు తెరపైకొచ్చాయి. ‘టీడీపీ ఏజెంట్’ అనే ప్రచారం జరిగిందాయన మీద. సస్పెన్షన్ వేటు కూడా పడింది. కొద్ది రోజుల తర్వాత ‘తప్పతాగి రోడ్ల మీద తచ్చాడుతున్న స్థితిలో’ డాక్టర్ సుధాకర్ కన్పించడంతో వివాదం ముదిరి పాకాన పడింది. ‘నేను మద్యం సేవించలేదు. నన్ను కొందరు రెచ్చగొట్టి అలా నన్ను చిత్రీకరించారు.. నా మీద దాడి చేశారు..’ అంటున్నారాయన.
మానసిక వైద్య చికిత్స తర్వాత, కొద్ది రోజులు అజ్ఞాతంలోకి వెళ్ళిన డాక్టర్ సుధాకర్, ఈ రోజు మీడియా ముందుకొచ్చి సంచలన వ్యాఖ్యలు చేశారు. ఏ సుధాకర్ వ్యవహారమైతే రాష్ట్ర రాజకీయాల్లో పెను ప్రకంపనలు సృష్టించిందో, ఏ సుధాకర్ వ్యవహారమైతే అధికార పార్టీకి తలనొప్పిగా మారిందో.. ఆ సుధాకర్, తనకు నరేంద్ర మోడీ అన్నా, వైఎస్ జగన్ మోహన్రెడ్డి అన్నా ఎంతో ఇష్టమని చెబుతుండడం గమనార్హం.
‘నేను ప్రభుత్వానికి వ్యతిరేకంగా మాట్లాడలేదు, మాట్లాడను కూడా. నాక్కావాల్సింది నా ఉద్యోగం. జీతం రాకపోతే నా ఇల్లు గడవదు’ అని అంటున్నారు డాక్టర్ సుధాకర్. మాస్క్ల వ్యవహారమే తనపై సస్పెన్షన్ వేటుకి కారణమని తాను అనుకోవడంలేదని సుధాకర్ వ్యాఖ్యానించడం మరో విశేషం. ‘ఎన్నో మంచి కార్యక్రమాలు చేస్తున్న ముఖ్యమంత్రి వైఎస్ జగన్ని నేనెందుకు విమర్శిస్తాను.?’ అని ఆయన అమాయకంగా ప్రశ్నిస్తున్నారు.
తనపై హత్యాయత్నం జరిగిందంటారు.. దానికి అధికార పార్టీ నేతలు కారణమా.? కాదా.? అన్నదానిపై భిన్న వాదనలు చేస్తారు. తనను పిచ్చోడిగా చూపించేందుకు ప్రయత్నించారంటారు.. ఆ అవసరం ఎవరికి వుందో మాత్రం స్పష్టంగా చెప్పడంలేదు. హైకోర్టు జోక్యంతో, డాక్టర్ సుధాకర్ వ్యవహారంలో సీబీఐ విచారణ షురూ అయిన విషయం విదితమే. ఇంతకీ, సుధాకర్లో ఈ మార్పుకి కారణమేంటి.? తెరవెనుక ఏం జరిగింది.? ఏమో మరి.. అన్ని విషయాలూ సీబీఐ విచారణలో వెలుగు చూస్తాయని ఆశిద్దాం.
904565 475190There is noticeably a bundle to learn about this. I assume you produced specific good points in attributes also. 137192
264212 815500You produced some decent points there. I looked on the net to the concern and discovered most people goes together with along together with your website. 86912
784395 837622Youre so correct. Im there with you. Your blog is surely worth a read if anyone comes throughout it. Im lucky I did because now Ive obtained a entire new view of this. I didnt realise that this concern was so important and so universal. You completely put it in perspective for me. 543410
502312 716157I dont typically comment but I gotta state thanks for the post on this excellent one : D. 785532
696082 224838Beneficial info and superb design you got here! I want to thank you for sharing your concepts and putting the time into the stuff you publish! Excellent function! 772554