సైరాతో .. మెగా వివాదం రాజుకుంటుందా ?

మెగా ఫ్యామిలీ మధ్య ఎలాంటి పొరపొచ్చాలు లేవంటూ చెప్పుకునే మెగా హీరోల మధ్య వివాదం రేగుతుందన్న విషయం ఇప్పటికే రెండు మూడు సార్లు బహిర్గతమైంది. మెగా ఫాన్స్ అన్న బ్రాండ్ నుండి .. అల్లు అర్జున్ బయటపడి సొంత ఇమేజ్ క్రియేట్ చేసుకోవాలని చూస్తున్నట్టు తెలుస్తోంది. ఇదివరకే రెండు మూడు సార్లు అల్లు అర్జున్ అభిమానులకు, అటు మెగా అభిమానుల మధ్య తీవ్ర విమర్శలు సోషల్ మీడియా వేదికగా చేసుకున్నారు. ఆ తరువాత అల్లు అర్జున్ ఓ వేడుకలో పవన్ ఫాన్స్ ని రెచ్చగొట్టేలా .. చెప్పను బ్రథర్ అంటూ కామెంట్ చేసాడు. ఆ తరువాత ఛాంబర్ లో పవన్ కళ్యాణ్ ను గట్టిగా కౌగలించుకుని ఆ వివాదాలకు పులిస్టాప్ పెట్టాడని అనుకున్నారు. కానీ తాజగా సైరా వేడుక విషయంలో మరోసారి మెగా ఫాన్స్ కు అటు అల్లు అర్జున్ ఫాన్స్ కు మధ్య గట్టి రచ్చ జరుగుతుంది.

తాజగా హైద్రాబాద్ లో సైరా ప్రీ రిలీజ్ వేడుకను భారీగా ప్లాన్ చేసారు .. ఈ వేడుకకు మెగా హీరోలందరూ వచ్చారు .. కానీ బన్నీ మాత్రం రాలేదు. కావాలనే బన్నీ ఈ వేడుకకు డుమ్మా కొట్టాడంటూ మెగా ఫాన్స్ ఫైర్ అవుతున్నారు. మెగా హీరోలంతా వస్తే బన్నీ ఎందుకు రాలేదు. చిరంజీవి తన దేవుడు, గురువు అంటూ చెప్పుకునే బన్నీ ఎందుకు డుమ్మా కొట్టాడు అన్నది ఇప్పుడు ఆసక్తికరంగా మారింది. మరోవైపు అల్లు అర్జున్ కు సైరా వేడుక విషయంలో ఎలాంటి ఆహ్వానం అందలేదన్నది మరో టాక్ .

సొంత ఇమేజ్ కోసం అల్లు అర్జున్ ఆర్మీ ని తయారుచేసుకునే పనిలో బిజిగా ఉన్నాడని, అందుకే మెగా ఫాన్స్ తోనూ , అటు మెగా కాంపౌండ్ తోనూ దూరంగా ఉంటున్నాడని టాక్. సైరా విషయంలో కూడా ట్రైలర్ ని షేర్ చేస్తూ సపోర్ట్ చేసిన బన్నీ .. టీజర్ విషయంలో సైలంట్ గా ఉన్నాడు. దాంతో మెగా అభిమానులు బన్నీ పై రకరకాల కామెంట్స్ చేస్తుంటే .. అటు అల్లు అర్జున్ అభిమానులు.. కూడా దాన్ని తిప్పికొడుతూ నానా రచ్చ చేస్తున్నారు. మరి ఈ వివాదం ఎంతవరకు వెళుతుందో అంటూ మెగా కంపౌండ్ కలవర పడుతుంది.