అప్పుల్లో ఆంధ్రప్రదేశ్.! అప్పుల కుప్ప ఆంధ్రప్రదేశ్.! ఏంటో, ఆంధ్రప్రదేశ్ ముందు ఈ ‘చెడ్డ పేరు’ ప్రస్తావన మాత్రం పోవడంలేదు. ఉమ్మడి తెలుగు రాష్ట్రం విడిపోవడంతో, 13 జిల్లాల ఆంధ్రప్రదేశ్ అప్పుల కుప్పగా మారిన మాట వాస్తవం. కానీ, ఆ తర్వాత రాష్ట్రాన్ని మరింత అప్పుల్లోకి నెట్టేసింది మాత్రం చంద్రబాబు పాలనే. చంద్రబాబుకి ధీటుగా అప్పులు చేయడంలో సరికొత్త రికార్డులు సృష్టిస్తున్నారు ప్రస్తుత ముఖ్యమంత్రి వైఎస్ జగన్ మోహన్రెడ్డి.
‘అప్పు చేసి చిప్పకూడు..’ అనే ప్రస్తావనను తరచూ వింటుంటాం. మరి, ఆంధ్రప్రదేశ్ అప్పుల గురించి ఏలా చెప్పుకోవాలి.? అప్పు చేసి సంక్షేమ కూడు.. అనాలా.? అసలు ఈ అప్పులకి బాధ్యత వహించాల్సిందెవరు.? ‘మేం రాష్ట్రాన్ని ఉద్ధరించేస్తున్నాం..’ అని గతంలో చంద్రబాబు చెప్పుకున్నారు.. ఇప్పుడు వైఎస్ జగన్ చెబుతున్నారు. ఉద్ధరించడం అన్న పదానికి అర్థాన్ని ‘అప్పులు చేయడం’గా ఎప్పుడు మార్చారో ఏమో.!
గడచిన మూడు నెలల్లో ఆంధ్రప్రదేశ్ ఆదాయం 19 వేల కోట్లు. ఆంధ్రప్రదేశ్ చేసిన అప్పులేమో 39 వేల కోట్లు. అంటే, రూపాయి ఆదాయానికి రెండ్రూపాయల అప్పు అన్నమాట. ఇవి కొత్త అప్పులు. పాత అప్పుల కథ వేరే వుంది. మొత్తంగా రాష్ట్రం నెత్తిన కనీ వినీ ఎరుగని రీతిలో అప్పుల కుప్ప కన్పిస్తోంది.
ఇంకొన్నాళ్ళు ఆగితే, రాష్ట్ర ఆదాయం ఆ అప్పులకు సంబంధించిన వడ్డీలకు కూడా సరిపోదేమో. పొరుగు రాష్ట్రాలతో పోల్చితే ఆంధ్రప్రదేశ్లో పెట్రో ధరలు ఎక్కువే. ఇతరత్రా పన్నులూ క్రమక్రమంగా పెరిగిపోతున్నాయి. మద్యం ధరల సంగతి సరే సరి. అయినాగానీ, రాష్ట్రం అదనంగా అప్పులు ఎందుకు చేయాల్సి వస్తోంది.? ఇదేమీ మిలియన్ డాలర్ల ప్రశ్న కాదు. చంద్రబాబు చేసిందీ పబ్లిసిటీ స్టంట్లే.. వైఎస్ జగన్ చేస్తున్నదీ పబ్లిసిటీ స్టంట్లే.
తమ పార్టీకి పబ్లిసిటీ పరంగా కలిసొచ్చే సంక్షేమ పథకాల కోసం నిధులు కేటాయిస్తూ.. అభివృద్ధిని లైట్ తీసుకోవడం వల్లే ఈ దుస్థితి అనీ, ఇదే పని గతంలో చంద్రబాబు చేస్తే విమర్శించిన వైఎస్ జగన్, ఇప్పుడు తాను ముఖ్యమంత్రి అయ్యాక అప్పులు చేయడంలో సరికొత్త రికార్డులు సృష్టిస్తున్నారని రాజకీయ పరిశీలకులు, ఆర్థిక నిపుణులు అభిప్రాయపడుతున్నారు. అధికారంలో వున్నోళ్ళు బాధ్యతారాహిత్యంతో చేసే అప్పులు భవిష్యత్ తరాలకు శాపంగా మారతాయని మాజీ ఐఏఎస్ అధికారులు ఆందోళన వ్యక్తం చేస్తుండడం గమనార్హం.
169405 442994Some genuinely excellent information , Gladiola I observed this. 426024
972750 395097Real informative and great anatomical structure of subject material , now thats user pleasant (:. 285996
100759 114016Spot lets start work on this write-up, I truly think this fabulous internet site needs a terrific deal more consideration. Ill apt to be once again to learn far much more, appreciate your that info. 20268
209787 231219camping have been the top activity that we can have during the summer, i enjoy to roast marshmallows on a campfire` 708852