పంచాంగం
తేదీ 23-05- 2024
గురువారం, శ్రీ క్రోధి నామ సంవత్సరం, ఉత్తరాయణం, వసంత ఋతువు
తిధి-పౌర్ణమి, విశాఖ నక్షత్రం
ఈరోజు విశిష్టత: గౌతమ బుద్ధ జయంతి, కూర్మ జయంతి.
ఈరోజు (23-05-2024) రాశి ఫలితాలు
మేషరాశి: ఈరోజు ఈ రాశి వ్యాపారస్తులు పెట్టుబడుల విషయంలో జాగ్రత్త వహించాలి. ఆరోగ్యం పట్ల నిర్లక్ష్యం పనికిరాదు. వైద్యుల్ని సంప్రదించడం ఉత్తమం. మెరుగైన ఫలితాలు సాధించడానికి శ్రమించాల్సి ఉంటుంది. ఆర్థిక విషయాలు ఆచితూచి వ్యవహరించడం మంచిది.
వృషభ రాశి: ఈ రాశి వారికి మిశ్రమ కాలం. అదృష్టం కలిసి వస్తుంది. తోటి వారి నుంచి సహాయ సహకారాలు అందుకుంటారు. ముఖ్యమైన పనులు చేపట్టే ముందు పెద్దల్ని సంప్రదించడం మంచిది. వైవాహిక జీవితంలో కలతలు ఏర్పడే అవకాశం ఉంది.
మిథున రాశి: ఈరోజు ఈ రాశి వారు వ్యాపార సంబంధ విషయాలు ఎవరితోనూ చర్చించకపోవడం మంచిది. విద్యార్థులు మరింత శ్రమించాల్సి ఉంటుంది. ఆస్తి విషయాల్లో తలెత్తిన వివాదాలు తీవ్రమవుతాయి. కుటుంబ సభ్యుల మధ్య సఖ్యత కొరవ డుతుంది.
కర్కాటక రాశి: ఈ రాశి వారికి ఆర్థిక విషయాల్లో జాగ్రత్తలు అవసరం. న్యాయపరమైన చిక్కులు ఎదుర్కొనే సూచనలు కనిపిస్తున్నాయి. కుటుంబ సభ్యుల అనారోగ్యం ఆందోళన కలిగిస్తుంది. ఆత్మవిశ్వాసంతో పనిచేయడం ద్వారా మంచి ఫలితాలను పొందుతారు.
సింహరాశి: అదృష్ట కాలం. కుటుంబ సభ్యులతో కలిసి శుభకార్యాల్లో పాల్గొంటారు. ముఖ్యమైన పనులు సకాలంలో పూర్తవుతాయి. స్థిరాస్తి కొనుగోలు చేయాలనుకునే వారికి శుభకాలం.
కన్య రాశి: ఈ రాశి వారికి ఈరోజు సానుకూలంగా ఉంటుంది. ఆర్థిక విషయాల్లో ఇతరుల సలహాలు తీసుకోవడం మంచిది. ఆధ్యాత్మిక కార్యక్రమాల్లో పాల్గొంటారు. భవిష్యత్తుకు సంబంధించి కిలక నిర్ణయాలు తీసుకుంటారు.
తులా రాశి: ఈ రాశి వారికి మిశ్రమ కాలం. ప్రయాణాల్లో జాగ్రత్త వహించాలి. ముఖ్యమైన పనుల్లో మంచి విజయాలు సాధిస్తారు. ఆర్థిక ఫలితాలు ఆశాజనకంగా ఉంటాయి. స్థిరాస్తి కొనుగోళ్లకు సరైన సమయం.
వృశ్చిక రాశి: ఈ రాశి వారికి చేపట్టే పనుల్లో అప్రమత్తత అవసరం. జీవిత భాగస్వామితో ఆనందంగా గడుపుతారు. ముఖ్యమైన పనులు పూర్తి చేయడానికి శ్రమించాల్సి ఉంటుంది. ఆర్థిక విషయాల్లో ఆచితూచి వ్యవహరించాల్సి ఉంటుంది.
ధనస్సు రాశి: ఉద్యోగస్తులు శుభవార్తలు వింటారు. చాలా కాలంగా ఎదురుచూస్తున్న ప్రమోషన్లు, ఇంక్రిమెంట్లు లభిస్తాయి. కుటుంబ సభ్యులతో ఆనందంగా గడుపుతారు. కలహాలకు దూరంగా ఉండటం మంచిది. పనిచేసే వాతావరణంలో సానుకూలత ఉంటుంది.
మకర రాశి: ఈ రాశి వారు వ్యాపారంలో లాభాలు గడిస్తారు. విద్యార్థులు, పోటీ పరీక్షలకు సిద్ధమవుతున్న వారు ఒత్తిడి నుంచి ఉపశమనం పొందుతారు. చాలాకాలంగా వాయిదా పడిన పనులు పూర్తవుతాయి.
కుంభరాశి: ఈ రాశి వారికి ఆశాజనక వాతావరణం ఉంటుంది. కుటుంబ సభ్యుల నుంచి శుభవార్తలు వింటారు. కుటుంబంలో ఒకరి అనారోగ్యం ఆందోళన కలిగిస్తుంది. కీలకమైన విషయాలు చర్చించే ముందు ఆచితూచి వ్యవహరించాలి. నూతన వస్తువులు, వాహనాలు కొనుగోలు చేస్తారు.
మీన రాశి: ఈ రాశి వారు ముఖ్యమైన పనులు పూర్తి చేయడానికి తీవ్రంగా శ్రమించాల్సి ఉంటుంది. చిన్ననాటి మిత్రులను కలుసుకుంటారు. ఆస్తి కొనుగోలు చేయాలనుకునే వారికి శుభకాలం.