కేంద్రం హామీ ఇచ్చింది సరే.. మరి జగన్ ఏం చేస్తున్నారు.. అదీ చెప్పాలి కదా..!!

యూపీఏ సర్కార్ అధికారంలో ఉండగా ఆంధ్రప్రదేశ్ కు ప్రత్యేక హోదా ఇవ్వాలని, ప్రత్యేక హోదా ఇస్తామని పార్లమెంట్ సాక్షిగా ప్రభుత్వం చెప్పిందని, పార్లమెంట్ లో హోదాపై అప్పటి ప్రధాని హామీ ఇచ్చారు కాబట్టి ఇప్పటి ప్రభుత్వం దానిని అమలు చేయాలనీ, పక్కన పెట్టడం భావ్యం కాదని జగన్ అంటున్నాడు. దీనిపై ఆంధ్రప్రదేశ్ ముఖ్యమంత్రి వైఎస్ జగన్ కేంద్రానికి లేఖ కూడా రాశారు. బాగానే ఉన్నది. ఆంధ్రప్రదేశ్ కు ప్రత్యేక హోదా తీసుకొస్తామని గతంలో జగన్ హామీ ఇచ్చారు.

ఎక్కువ ప్రచారం దీని చుట్టూనే చేసుకున్నారు. అందుకోసమే జగన్ ప్రయత్నం చేస్తున్నారు. మంచిదే. అయితే, ఆంధ్రప్రదేశ్ లో గత ప్రభుత్వం అసెంబ్లీలో రాజధానిగా అమరావతిని తీసుకొచ్చింది. అమరావతిని ఆంధ్రుల రాజధానినిగా చేస్తూ ప్రకటన చేసింది. అమరావతి రాజధానిని ఇప్పటి అధికార పార్టీ, అప్పుడు ఒప్పుకున్న సంగతి తెలిసిందే. మరి జగన్ ప్రభుత్వం ఇప్పుడేం చేస్తున్నది.

మాట తప్పుతున్నది కదా. అప్పుడు అమరావతికి ఒకే చెప్పి ఇప్పుడు మూడు రాజధానులు అంటూ ప్రకటించడం మాటతప్పినట్టే కదా. కేంద్రం మన విషయంలో కరెక్ట్ గా ఉండాలి అనుకున్నప్పుడు, మనం కూడా మన విషయంలో కరెక్ట్ గా ఉండాలి. అప్పుడే మనం ఖచ్చితంగా అడిగే అవకాశం ఉంటుంది. ఇక్కడ మన మాటమీద మనమే నిలబడనపుడు కేంద్రాన్ని ఎలా ప్రశ్నిస్తారు. ప్రశ్నించే అవకాశం ఎలా ఉంటుంది.

అమరావతిలో ఇన్సైడర్ ట్రేడింగ్ జరిగిందని చెప్తూ వస్తున్నారు. దానికి సంబంధించిన పవర్ పాయింట్ ప్రజెంటేషన్ ఇచ్చారు. పేర్లు బయటకు తీశారు. వారిపై కేసులు పెట్టి, వాటిని ప్రూవ్ చేసి జైల్లో పెట్టించండి. అది మంచి పద్దతి. అంతేగాని, ఇన్సైడర్ ట్రేడింగ్ జరిగిందని, నిధులు లేవని మరో చోటికి వెళ్లడం అన్నది కరెక్ట్ కాదని విశ్లేషకుల అభిప్రాయం. జాతీయ మీడియా కూడా దీనిపై తీవ్రంగా విమర్శలు చేసిన సంగతి తెలిసిందే.