ఎప్పుడో బీజేపీ చీఫ్ అవ్వాల్సిన వ్యక్తి.. కొన్ని ప్రత్యేక కారణాలతో గతంలో కాస్త వెనకబడ్డా.. చివరికి ఆయన్ను ‘కీలక’ పదవి వరించింది. ఆయనే సోము వీర్రాజు. బీజేపీ రాష్ట్ర అధ్యక్షుడిగా సోము వీర్రాజు ఎంపిక కావడంతో, రాష్ట్రంలో రాజకీయ సమీకరణాలు సరికొత్తగా మారతాయన్న చర్చ బీజేపీ శ్రేణుల్లో కన్పిస్తున్నాయి.
ఇక, ఇప్పటిదాకా ఈ పదవిలో వున్న కన్నా లక్ష్మినారాయణ పరిస్థితి ఏంటి.? అన్నది పక్కన పెడితే, కొత్త బీజేపీ చీఫ్కి.. పాత బీజేపీ చీఫ్ శుభాకాంక్షలు అందించడం గమనార్హం. ‘కన్నా లక్ష్మినారాయణతోనే కాదు, పార్టీలో ఎవరితోనూ విభేదాల్లేవు.. అన్ని విషయాలపైనా బీజేపీ స్పష్టతో వుంది. బీజేపీలో గ్రూపులనేవే లేవు..’ అని సోము వీర్రాజు స్పష్టం చేసేశారు. ‘కన్నా లక్ష్మినారాయణ స్థానంలో తనను తీసుకు రావడమంటే కన్నా లక్ష్మినారాయణను అవమానించనట్లు కాదు..’ అని కూడా చెప్పుకొచ్చారు సోము వీర్రాజు.
ఇదిలా వుంటే, సోము వీర్రాజుకి జనసేన అధినేత పవన్ కళ్యాణ్ ప్రత్యేకంగా శుభాకాంక్షలు చెప్పడం గమనార్హం. దానికి ప్రతిగా, ‘మిత్రుడు పవన్ కళ్యాణ్కి నా ధన్యవాదాలు’ అని పేర్కొనడం మరింత విశేషం. పవన్ కళ్యాణ్కి సోము వీర్రాజు ఆప్త మిత్రుడు. దాంతో, ఈ ఇద్దరి కాంబినేషన్.. రాష్ట్రంలో బీజేపీ – జనసేన సరికొత్త జోష్తో ముందుకు సాగడానికి ఉపయోగపడుతుందని ఇరు పార్టీల నేతలూ భావిస్తున్నారు.
మరోపక్క, ‘కాపు’ సామాజిక వర్గానికే మళ్ళీ బీజేపీ చీఫ్ పదవి దక్కడంపై భిన్న వాదనలు విన్పిస్తున్నాయి. పవన్ కళ్యాణ్ ఎలాగూ బీజేపీకి మిత్రుడే. దాంతో, ప్రత్యేకంగా కాపు సామాజిక వర్గానికి గాలం వేసేందుకు అదే సామాజిక వర్గానికి చెందిన సోము వీర్రాజుని ఎంపిక చేయాల్సిన అవసరమేంటి.? అన్న వాదన ఓ వైపు నుంచి విన్పిస్తోంది. ‘జనసేన మీద బీజేపీకి నమ్మకం తగ్గిందేమో.. వైసీపీకి దగ్గరవడానికి ప్రయత్నిస్తోందేమో..’ అన్న చర్చ కూడా జరుగుతోంది.
అయితే, ‘ఇది కుల సమీకరణాల వ్యవహారం కాదు’ అని బీజేపీ నేతలు స్పష్టం చేస్తున్నారు. కాగా, ‘ఏం చేసినా, కమ్మ సామాజిక వర్గాన్ని బీజేపీ వైపుకు తిప్పడం సాధ్యం కాదు. పైగా, కమ్మ సామాజిక వర్గానికి చెందిన ప్రముఖులు బీజేపీలో ఇప్పటికే కీలక పదవుల్లో వున్నారు. కానీ, బీసీ లేదా ఇతర సామాజిక వర్గాలకు ఆస్కారం ఇచ్చి వుండాల్సింది..’ అన్న అభిప్రాయం కూడా విన్పిస్తోంది. ఎవరి వాదనలు ఎలా వున్నా, తూర్పుగోదావరి జిల్లాకి చెందిన సోము వీర్రాజు ఎంపికలో బీజేపీ వ్యూహం సుస్పష్టం.
ఎగ్రెసివ్ నేచర్ వున్నా.. పార్టీలో అందరికీ ఆప్తుడు సోము వీర్రాజు. పైగా, జనసేనానితో ప్రత్యేక అనుబంధం ఆయనకి వుంది. దాంతో బీజేపీ – జనసేన బంధం మరింత బలపడ్తుందనీ, ‘కాపు’ సామాజిక వర్గ కోణంలో చూసినా, ఇది మంచి కాంబినేషన్ అనీ బీజేపీ శ్రేణులు భావిస్తున్నాయి.
42304 796497Particular paid google internet pages offer complete databases relating whilst private essentials of persons even though range beginning telephone number, civil drive public records, as properly as criminal arrest back-ground documents. 329668