బిగ్‌ ట్విస్ట్‌: వాళ్ళందర్నీ ముంచేస్తోన్న బాబా భాస్కర్‌

కేవలం రెండు వారాలు మాత్రమే బిగ్‌హౌస్‌లో వుంటానంటూ మొట్టమొదటే చెప్పేసిన ఒకే ఒక్క కంటెస్టెంట్‌ బాబా భాస్కర్‌. ‘రెండు వారాలు వుండి వచ్చేస్తానని మా ఇంట్లో వాళ్ళకి చెప్పాను. అసలు బిగ్‌హౌస్‌ అంటే ఎలా వుంటుందో తెలుసుకోవడానికి మాత్రమే ఇక్కడకు వచ్చాను.. అంతకు మించి, ఈ షో మీద నాకు ఎక్స్‌ట్రా ఇంట్రెస్ట్‌ ఏమీ లేదు..’ అని చెప్పిన బాబా భాస్కర్‌, అనూహ్యంగా టాప్‌ 5లోకి వచ్చేశాడు.

90 రోజులకు పైగా సాగిన ‘బిగ్‌’ ప్రయాణంలో బాబా భాస్కర్‌ చాలా చాలా చేశారు. ఉదయాన్నే లేచించి మొదలు, రాత్రి నిద్రపోయేదాకా.. బాబా భాస్కర్‌ ఏదో ఒకటి చేస్తూనే వుంటాడు. అదే అతనికి చాలా పెద్ద ప్లస్‌ పాయింట్‌ అయ్యింది. డాన్స్‌, ఎంటర్‌టైన్‌మెంట్‌ మాత్రమే కాదు.. టాస్క్‌ల సందర్భంగా బాబా జెన్యూనిటీ వ్యూయర్స్‌కి బాగా నచ్చింది. వీటన్నిటికీ మించి, ఇతర కంటెస్టెంట్స్‌ తాలూకు ఫాలోవర్స్‌ని కూడా బాబా ఎట్రాక్ట్‌ చేస్తూ వచ్చాడు.

‘బాబా భాస్కర్‌ మాస్టర్‌లో తప్పులు వెతకడానికి నాకేమీ కన్పించలేదు’ అని తాజా టాస్క్‌లో వరుణ్‌ సందేశ్‌ వ్యాఖ్యానించిన విషయం విదితమే. ఏదో ఒక తప్పు వెతకాల్సి వున్నా, వరుణ్‌ చేతులెత్తేయడం బాబా ఇమేజ్‌ని ఒక్కసారిగా పదింతలు పెంచేసింది. మరోపక్క, శ్రీముఖి ఫాలోవర్స్‌ కూడా బాబా భాస్కర్‌కి సపోర్ట్‌ చేస్తున్నారు. ఇలా ఇతర కంటెస్టెంట్స్‌ తాలూకు అభిమానుల నుంచి మద్దతు వస్తోంటే, బాబా భాస్కర్‌కి గేమ్‌ మరింత సులభతరం అయిపోకుండా వుంటుందా.? అందుకే, టాప్‌ 5లోకి రాహుల్‌ తర్వాత, బాబా చాలా తేలిగ్గా ఎంట్రీ ఇచ్చేశాడు.

ఇప్పుడు డేంజర్‌ జోన్‌లో శివజ్యోతి, అలీ రెజాలతోపాటు శ్రీముఖి, వరుణ్‌ సందేశ్‌ కూడా వచ్చేశారు. వీరిలో శివజ్యోతి, అలీ రెజాలకు తక్కువ ఓట్లు పడినట్లు తెలుస్తోంది. కానీ, వరుణ్‌ని ఎలిమినేట్‌ చేస్తారేమోనన్న ప్రచారం జరుగుతోంది. ఎందుకంటే, శివజ్యోతితోపాటు అలీ రెజాని నిర్వాహకులు జాగ్రత్తగా డీల్‌ చేస్తూ వస్తున్నారు మరి.