రెండో భారతీయుడికి కాజల్ మస్కా !

జాతీయ నటుడు కమల్ హాసన్ , క్రేజీ దర్శకుడు శంకర్ ల కాంబినేషన్ లో వస్తున్న భారతీయుడు 2 పైనే అందరి ఫోకస్ ఉంది. దాదాపు ఇరవైఏళ్లక్రితం వచ్చిన భారతీయుడు ఇండియన్ స్క్రీన్ పై సంచలనం రేపి బాక్స్ ఆఫీస్ వద్ద కొత్త దుమారమే రేపింది. ఇప్పుడు ఆ సినిమాకు సీక్వెల్ కావడంతో దేశవ్యాప్తంగా క్రేజ్ నెలకొంది. అయితే ఈ సినిమా మొదలైనప్పటినుండి అడ్డంకులు వస్తూనే ఉన్నాయి. ఇదివరకే ఆ రేంజ్ బడ్జెట్ మేము పెట్టలేమంటూ నిర్మాతలు చేతులు ఎత్తేసారు. ఆ తరువాత కమల్ హాసన్ రాజకీయ ఎంట్రీ తో కొన్ని రోజులు ఆగింది. మరోసారి ఓ పెద్ద కంపెనీ మేము సినిమా నిర్మిస్తామంటూ ముందుకొచ్చి .. వెనక్కి తగ్గడం .. ఇలా తలనొప్పులు ఒకటి మీద ఒకటి వస్తూనే ఉన్నాయి.

శంకర్ లేటెస్ట్ సినిమా 2 .0 ఫెయిల్యూర్ దీనికి కారణం అనే వాళ్ళు లేకపోలేదు. అయితే మళ్ళీ లైకా బ్యానర్ ని లైన్ లో పెట్టిన శంకర్ ఈ సినిమాను పట్టాలు ఎక్కించే ప్రయత్నాల్లో ఉన్నాడు. ఇకపై ఎన్ని అడ్డంకులు ఉన్నా సరే భారతీయుడు ని ఆపేది లేదంటున్నాడు శంకర్. ఈ సినిమాలో కమల్ హాసన్ కు జోడిగా గ్లామర్ భామ కాజల్ ని ఎంపిక చేసారు. ఈ సినిమా పై ఎన్నో ఆశలు పెట్టుకున్న కాజల్ కు ఇలా మళ్ళీ మళ్ళీ ఆగిపోవడంతో తీవ్ర నిరాశకు గురైందట. దాంతో ఈ సినిమా నుండి తప్పుకోవడమే బెటర్ అనే ఆలోచనలో ఉన్నట్టుందని ప్రచారం జరుగుతుంది.

తాజగా ఈ ప్రాజెక్ట్ కు కాజల్ రాం .. రాం చెప్పిందంటూ కోలీవుడ్ లో జోరుగా ప్రచారం సాగుతుంది. తాజాగా కాజల్ జయం రవి సరసన కోమలి అనే సినిమాలో కూడా నటిస్తుంది. దాంతో పాటు తెలుగులో మరో రెండు సినిమాలకు సైన్ చేసిందట. ఇదంతా చూస్తుంటే కాజల్ భారతీయుడు సినిమా నుండి తప్పుకున్నట్టే అంటూ వార్తలు వస్తున్నాయి. మరో వైపు మాత్రం కాజల్ ఈ సినిమా నుండి తప్పుకోలేదని అంటున్నారు. సో ఈ విషయం పై కాజల్ క్లారిటీ నుండి క్లారిటీ రావాల్సి ఉంది.