రివ్యూ: రెడ్ – థ్రిల్ చేయలేకపోయిన థ్రిల్లర్.!

ఇస్మార్ట్ శంకర్ లాంటి బ్లాక్ బస్టర్ సినిమా తర్వాత ఎనర్జిటిక్ స్టార్ రామ్ నటించిన మరో మాస్ థ్రిల్లర్ ‘రెడ్’. ఇప్పటి వరకూ క్లాస్ చిత్రాల డైరెక్టర్ అనిపించుకున్న కిషోర్ తిరుమల డైరెక్ట్ చేసిన ఈ సినిమా కోవిడ్ టైంలో ఎలాంటి ఆఫర్స్ కి టెంప్ట్ కాకుండా, థియేటర్ రిలీజ్ వరకూ ఆగి సంక్రాంతి కానుకగా నేడు విడుదలైంది. మరి ఈ సినిమా కుడా రామ్ మాస్ సక్సెస్ ని కంటిన్యూ చేసిందో లేదో ఇప్పుడు చూద్దాం..

కథ:

సిద్దార్థ్(రామ్) మరియు ఆదిత్య(రామ్)లు ఇద్దరూ ఐడెంటికల్ ట్విన్స్. కానీ చిన్నప్పటి నుంచీ ఒకరంటే ఒకరికి పడదు.. ఎవరి దారిలో వారు వెళ్లి, సిద్దార్థ్ సివిల్ ఇంజనీర్ గా ఒక మంచి లైఫ్ బ్రతుకుతూ, మహిమ(మాళవిక శర్మ)తో ప్రేమలో పడతాడు. పెళ్లి కూడా చేసుకోవాలనుకుంటాడు. మరోవైపు ఆదిత్య చట్టంలోని లొసుగుల్ని అడ్డం పెట్టుకొని ఈజీ మనీ సంపాదించేలా చిన్న చిన్న క్రైమ్స్ చేస్తుంటాడు. కట్ చేస్తే మహిమ మిస్ అవుతుంది. అలాగే ఓ మర్డర్ కేసులో సిద్దార్థ్ ని అరెస్ట్ చేస్తారు. ఆ కేసుని డీల్ చేయడం కోసం యామిని(నివేత పేతురాజ్), సంపత్ లు రంగంలోకి దిగుతారు. అలా కేసులో భాగంగా ఆదిత్య కూడా ఇందులోకి వస్తాడు. ఇంతకీ ఆ మర్డర్ చేసింది ఎవరు? మహిమని ఎవరు కిడ్నాప్ చేశారు? ఆదిత్య మర్డర్ చేసి ఇరికించాడా? లేక సిద్దార్థ్ ని సేవ్ చేయడం కోసం కేసులో భాగమయ్యాడా అనేది తెలియాలంటే రెడ్ చూడాల్సిందే.

తెరమీద స్టార్స్..

అటు క్లాస్ పాత్రలో, ఇటు మాస్ పాత్రలో రామ్ సూపర్బ్ గా చేసాడు. రెండు పాత్రల్లోనూ వేరియేషన్ చూపించడం కోసం తను ఎంచుకున్న మ్యానరిజమ్స్, బాడీ లాంగ్వేజ్ లు ఆడియన్స్ ని మెప్పిస్తాయి. స్పెషల్ గా మాస్ రోల్ అయితే బి,సి సెంటర్స్ లో బాగా కనెక్ట్ అవుతుంది. ముగ్గురు హీరోయిన్స్ లో ఎక్కువ స్క్రీన్ స్పేస్ ఉంది మాత్రం నివేత పేతురాజ్ కనే చెప్పాలి. పోలీస్ ఆఫీసర్ గా బాగా చేసింది. అటు క్యూట్ అండ్ మోడ్రన్ లుక్స్ లో మాళవిక శర్మ మెప్పిస్తే, అమాయకపు అమ్మాయి పాత్రలో అమృత అయ్యర్ ఆకట్టుకుంది. సంపత్ తన నెగటివ్ షేడ్స్ చూడపడంలో సక్సెస్ అయ్యాడు.

తెర వెనుక టాలెంట్..

తమిళంలో సూపర్ హిట్ అయినా తడం సినిమాకి రీమేక్ ఈ రెడ్. ఆ సినిమాకి ప్రధాన బలం స్క్రీన్ ప్లే అండ్ ఫాస్ట్ నేరేషన్. కానీ ఇక్కడ బాధాకరం ఏంటంటే, ఒరిజినల్ వెర్షన్ కి హెల్ప్ అయిన రెండు పాయింట్స్ ఇక్కడ మిస్ అయ్యాయి. దాంతో సినిమాలో థ్రిల్స్ ఆడియన్స్ ని హిట్ చేయలేదు అలాగే నేరేషన్ కూడా చాలా బోరింగ్ అండ్ స్లోగా అనిపిస్తుంది. ఇప్పటి వరకూ మంచి ఫీల్ గుడ్ లవ్ స్టోరీలతో ఆకట్టుకున్న డైరెక్టర్ కిషోర్ తిరుమల సప్సెన్స్ థ్రిల్లర్ ని సరిగా డీల్ చేయలేకపోయారు అనేది పలు చోట్ల క్లియర్ గా అర్థమవుతుంది. సస్పెన్స్ థ్రిల్లర్ అంటే పరిగెత్తే స్క్రీన్ ప్లే, అలాగే ట్విస్ట్ లు వస్తుండాలి కానీ అలా కాకుండా ఫస్ట్ హాఫ్ ని దాదాపు పాత్రల ఎస్టాబ్లిషమెంట్ కోసమే ఉపయోగించారు. ప్రీ ఇంటర్వెల్ అండ్ ఇంటర్వెల్ బ్లాక్ తప్ప ఫస్ట్ హాఫ్ లో ఆసక్తి కలిగించే అంశాలు లేకపోవడం బాధాకరం. సెకండాఫ్ ని కూడా చాలా డల్ గా స్టార్ట్ చేసి ఇంకా స్లోగానే నడిపించారు. చివరికి వచ్చే సరికి ఒక మోస్తరు ట్విస్ట్ లు పెట్టారు కానీ అంత స్లోగా వచ్చాక ఆ సింపుల్ ట్విస్ట్ లు ఆడియన్స్ కి హై ఫీల్ ఇవ్వడంలో హెల్ప్ కాలేదు.

మ్యూజిక్ డైరెక్టర్ మణిశర్మ అందించిన పాటలు ఓకే అనిపించాయి. డించక్ డించక్ సాంగ్ మొదట్లో వచ్చి ఊపునిస్తుంది. అలాగే బ్యాక్ గ్రౌండ్ స్కోర్ కూడా సినిమాకి కాస్త హెల్ప్ అయ్యింది. సమీర్ రెడ్డి విజువల్స్ చాలా బాగా థ్రిల్లర్ మూడ్ అని అయితే క్రియేట్ చేసాయి. ఎడిటింగ్ బాలేకపోగా, ఇంకాస్త రన్ టైం ని కట్ చేసి సినిమాని స్పీడప్ చేసి ఉండచ్చు. ప్రొడక్షన్ వాల్యూస్ అయితే టాప్ రేంజ్ లో ఉన్నాయి.

విజిల్ మోమెంట్స్:

– డ్యూయెల్ రోల్లో రామ్ సూపర్బ్ పెర్ఫార్మన్స్
– ఇంటర్వల్ బ్లాక్
– మణిశర్మ బ్యాక్ గ్రౌండ్ స్కోర్

బోరింగ్ మోమెంట్స్:

– నో థ్రిల్స్, నో సస్పెన్స్
– రైటింగ్ సరిగా లేకపోవడం
– అనవసరంగా వేసిన సబ్ ప్లాట్స్
– స్లో నేరేషన్
– వీక్ డైరెక్షన్

విశ్లేషణ:

మాస్ ఆడియన్స్ కి కనెక్ట్ అయ్యే ఫీల్ అండ్ లుక్ లో తీసిన సస్పెన్స్ థ్రిల్లర్ ‘రెడ్’, అటు సస్పెన్స్ లేక, ఇటు థ్రిల్స్ లేక స్లో నేరేషన్ తో బోర్ కొట్టించేసారు. రామ్ డ్యూయెల్ రోల్లో మంచి నటనని కనబరిచి ఆడియన్స్ ని అట్రాక్ట్ చేస్తున్నా, సినిమాలో సరైన కథ, కథనం లేనందున ఆడియన్స్ డిస్కనెట్ అయిపోతారు. సూపర్ హిట్ తమిళ సినిమా ‘తడం’ కి రీమేక్ గా వచ్చిన ‘రెడ్’ తెలుగులో ఆ రేంజ్ విజయాన్ని అందుకోవడంలో విఫలమైందని చెప్పచ్చు.

చూడాలా? వద్దా?: ఈ సినిమా కోసం ఎంతగానో ఎదురు చుసిన రామ్ ఫాన్స్ మాత్రం ట్రై చేయచ్చు.!

తెలుగుబులెటిన్.కామ్ రేటింగ్: 2/5