ఆరు సినిమాలతో.. బాబు బాగా బిజీ..?

సురేష్ ప్రొడక్షన్స్ .. తెలుగు పరిశ్రమలో లెజెండరీ సినిమా నిర్మాణ సంస్థ. ప్రముఖ నిర్మాత డి రామానాయుడు మొదలు పెట్టిన ఈ బ్యానర్ లో ఎన్నో గొప్ప గొప్ప చిత్రాలు తెరకెక్కాయి. ఎంతోమంది దర్శకులు, హీరోలు, హీరోయిన్స్ , టెక్నీషియన్స్ పరిచయం అయ్యారు. నిర్మాతగా ఎన్నో అద్భుతాలను ఆవిష్కరించిన రామానాయుడు . ఈ మధ్య వస్తున్న ట్రెండ్ ని అందుకోలేక కాస్త సినిమాల నిర్మాణాన్ని తగ్గించారు. అయన మరణం తరువాత దాదాపుగా సురేష్ ప్రొడక్షన్ నుండి ఒకటి రెండు సినిమాలు మాత్రమే వచ్చాయంటే పరిస్థితి ఎలా మారిందో అర్థం చేసుకోవచ్చు. నిర్మాతగానే కాకుండా పంపిణి రంగంలో కూడా తనదైన మార్క్ సాధించిన సురేష్ ప్రొడక్షన్స్ ని ఇప్పుడు సురేష్ బాబు నడిపిస్తున్నారు.

సురేష్ ప్రొడక్షన్స్ లో సినిమాలు వస్తాయేమో అని చాలా మంది ఎదురు చూస్తున్నారు. ఎందుకంటే ఇలాంటి ప్రొడక్షన్ హౌస్ లో సినిమా వచ్చిందంటే ఆ సినిమా రేంజే వేరుగా ఉండేది. ఇప్పుడు అదే స్ట్రాటజీ ని దిల్ రాజు కంటిన్యూ చేస్తున్నాడు. చాలా గ్యాప్ తరువాత సురేష్ బాబు కూడా ఇకపై సురేష్ ప్రొడక్షన్స్ లో వరుసగా సినిమాలు తీసేందుకు రెడీ అయ్యారు. అయితే ఈసారి అయన సొంతంగా కాదు వేరే నిర్మాతలతో టై అప్ అయి సినిమాల నిర్మాణం మొదలు పెట్టారు. గత ఏడాది పెళ్లి చూపులు లాంటి చిన్న సినిమాకు సపోర్ట్ ఇచ్చిన సురేష్ బాబు ఆ సినిమా ఘాన విజయంలో కీ రోల్ పోషించాడు. ఆ సినిమా ఇచ్చిన ఉత్సాహంతో అయన మరిన్ని సినిమాలకు పార్ట్ నర్ గా మారాడు.

తాజాగా సురేష్ ప్రొడక్షన్స్ బ్యానర్ లో ఏకంగా ఆరు సినిమాలు విడుదలకు సిద్ధం అవుతున్నాయి. ఇన్నాళ్లు సైలంట్ గా ఉన్న సురేష్ బాబు ఇప్పుడు వేగం పెంచాడు. తాజగా ఆయన ఇతర నిర్మాతలతో భాగస్వామ్యంలో కలిసి తీసిన ఓ బేబీ, అల్లు శిరీష్ హీరోగా ఏ బి సి డి, విజయ్ దేవరకొండ తమ్ముడు ఆనంద్ హీరోగా చేసిన దొరసాని, నివేద థామస్ బ్రోచేవారెవరురా .. ఫలక్నుమా దాస్, కమెడియన్ ప్రియదర్శి హీరోగా మల్లేశం చిత్రాలు నిర్మాణ దశలో ఉన్నాయి. అందులో దాదాపుగా అన్ని సినిమాలు వచ్చే నెలలో విడుదలకు సిద్ధం అయ్యాయి. చిన్న సినిమాలుగా మొదలై పెద్ద విజయాన్ని అందుకుని సంచలనం క్రియేట్ చేసే సినిమాలు ఎన్నినున్నాయో చూడాలి.