మజిలీ ఫస్ట్ రివ్యూ .. ఎలా ఉందంటే !!

అక్కినేని నాగ చైతన్య, సమంత ల హిట్ కాంబినేషన్ గురించి అందరికి తెలిసిందే. పెళ్లి తరువాత వీరిద్దరూ కలిసి నటిస్తున్న మొదటి సినిమా అంటేనే జనరల్ గా జనాల్లో క్యూరియాసిటీ ఉంటుంది. నిన్నుకోరి వంటి ఫీల్ గుడ్ సినిమా తీసి అందరి దృష్టిని ఆకర్షించిన శివ నిర్వాణ దర్శకత్వంలో తెరకెక్కిన ”మజిలీ” రేపు శుక్రవారం విడుదల కానుంది.

ఇప్పటికే ట్రైలర్, సాంగ్స్ తో ఆకట్టుకుంటున్న ఈ సినిమా ఎలా ఉంటుందో అన్న ఆసక్తి అందరిలో ఎక్కువైంది. ”వెధవలకే మంచి భార్యలు వస్తారు”. ”భార్య సంపాదన పై బ్రతకాలా” అంటూ మనసును ఆకట్టుకునే డైలాగ్స్ తో అదిరిపోయేలా ఉంటుందని యూనిట్ చెప్పేసింది. దానికి తగ్గట్టే ట్రైలర్ కు అనూహ్యమైన స్పందన వచ్చింది.

ఎప్పుడెప్పుడు సినిమా చూడాలా అన్న క్యూరియాసిటీ అక్కినేని ఫాన్స్ లో ఉంది. అయితే ఈ మజిలీ సినిమాకు సంబందించిన ఫస్ట్ రివ్యూ వచ్చేసింది ? అవును .. నిజానికి ఓవర్ సీస్ లో ఈ సినిమా నేడే విడుదల అవుతున్న విషయం తెలిసిందే. ఇక ఈ సినిమాను అక్కినేని ఫ్యామిలీ చూసేసింది .. తాజాగా హీరో సుశాంత్ .. ఈ సినిమా చూసి తన రివ్యూ ని సోషల్ మీడియా లో పోస్ట్ చేసాడు.

సినిమా చాలా బాగుందని, అందమైన కథను దర్శకుడు సున్నితంగా డీల్ చేసాడని చెప్పారు. ఆంతే కాదు లవ్, పెయిన్ , ఎమోషన్స్ అదిరిపోయేలా ఉన్నాయట. చైతు, సమంత జీవించారని, థమన్ ఆర్ ఆర్ ప్రాణం పోసిందంటూ సుశాంత్ ఓ రేంజ్ లో పాజిటివ్ రివ్యూ ఇచ్చేసాడు. దాంతో పాటు సినిమా ప్రతి ఒక్కరి హృదయాన్ని హత్తుకునేలా ఉంటుందని చెప్పాడు సుశాంత్. ఇంకేముంది సుశాంత్ రివ్యూ తో అక్కినేని ఫాన్స్ తెగ సంబర పడుతున్నారు. చాల రోజులుగా సరైన సక్సెస్ కోసం ఎదురు చూస్తున్న చైతూకు మంచి బ్లాక్ బస్టర్ దక్కిందన్నమాట !!