Nani : నాని బ్యాక్ టు బ్యాక్ సినిమాలతో బాక్సాఫీస్ వద్ద సందడి చేస్తూనే ఉన్నాడు. ఇటీవలే హాయ్ నాన్న సినిమా తో పలకరించిన నాని త్వరలో సరిపోదా శనివారం సినిమాతో ప్రేక్షకుల ముందుకు రాబోతున్నాడు. ఒక వైపు ఆ సినిమా షూటింగ్‌ లో ఉండగానే ‘బలగం’ దర్శకుడు వేణు యెల్దండి దర్శకత్వంలో ఒక సినిమాను చేయబోతున్నాడు.
బలగం సినిమాతో దర్శకుడిగా మంచి మార్కులు దక్కించుకున్న వేణు తెలంగాణ నేపథ్యంలోనే మరో సినిమాకు కథను రెడీ చేశాడు. పీరియాడిక్ లవ్‌ స్టోరీ తో నాని హీరోగా వేణు దర్శకత్వంలో సినిమా ఉండబోతుంది అంటూ ఇండస్ట్రీ వర్గాల ద్వారా సమాచారం అందుతోంది.
దిల్ రాజు ఈ సినిమాను నిర్మించేందుకు రెడీ అవుతున్నాడు. భారీ అంచనాల నడుమ రూపొందబోతున్న పీరియాడిక్ లవ్‌ స్టోరీలో నానికి జోడీగా ఒక తెలుగు అమ్మాయి హీరోయిన్ గా కనిపించబోతుంది అనే వార్తలు వస్తున్నాయి. ఆ విషయమై త్వరలోనే మరింత క్లారిటీ వచ్చే అవకాశాలు ఉన్నాయి. నేచురల్ గా ఉండే పీరియాడిక్ లవ్‌ స్టోరీ తో నాని సినిమా రూపొందనున్నట్లుగా తెలుస్తోంది.