డి.ఎల్ ఎంటర్టైన్మెంట్స్ బ్యానర్ పై, కంచి షర్మిల సమర్పణలో ప్రముఖ కొరియోగ్రాఫర్, బిగ్ బాస్ సీజన్ 7 బెస్ట్ సంచాలక్ అవార్డు గ్రహీత ‘సందీప్ మాస్టర్’ హీరోగా తెరకెక్కిన చిత్రం “ది షార్ట్ కట్” సందీప్ సరసన హీరోయిన్ గా షగ్న నటిస్తోంది.
కంచి రామకృష్ణ ఈ ‘షార్ట్ కట్’ చిత్రం ద్వారా దర్శకుడుగా మరియు నిర్మాతగా తెలుగు తెర కు పరిచయం అవుతున్నారు.
స్క్రిప్ట్ మానిటర్ మరియు క్రియేటివ్ హెడ్ గా మనోజ్ కుమార్ వ్యవహరిస్తున్నారు. ప్రముఖ నటులు ఈటీవీ ప్రభాకర్ రాకేష్ మాస్టర్, తదితరులు ముఖ్య తారాగణం.
పోస్ట్ ప్రొడక్షన్ పూర్తి చేసుకుంటున్న ఈ చిత్రం త్వరలో ప్రేక్షకుల ముందర రాబోతోంది. ఈ చిత్రం యొక్క టీజర్ లాంచ్ ఈనెల 8 వ తారీకు ప్రసాద్ ల్యాబ్స్ లో సాయంత్రం 7 గంటలకు కోలాహలం గా జరిగింది.
బిగ్బాస్ సీజన్ సెవెన్ తారలందరూ ఈ కార్యక్రమంలో ముఖ్య అతిథులుగా పాల్గొన్నారు. రజినీకాంత్ మరొక నిర్మాతగా ఈ సినిమాకి వ్యవహరిస్తున్నారు.