అది 1996 సంవత్సరం.. ఆంధ్రప్రదేశ్.. ప్రధాన నగరాల్లోని హోర్డింగులు, సినిమా పోస్టర్లు అంటించే గోడలపై ఓరోజు 24 షీట్ పోస్టర్ చూపరులను, సినీ అభిమానులను ఆకట్టుకుంది. రఫ్ గెడ్డం, జీన్స్ ఫ్యాంట్, షర్ట్, కూలింగ్ గ్లాస్ తో సైడ్ స్టిల్ ఇచ్చిన యువకుడిని చూపుతూ.. ‘ఎవరీ అబ్బాయి..’ అనే క్యాప్షన్ తో పోస్టర్ ఉంది. మీడియా, సోషల్ మీడియా లేని రోజులు కావడంతో వారం సస్పెన్స్ క్రియేట్ అయింది. ఆ తర్వాత నిశ్శబ్దాన్ని ఛేదిస్తూ విరుచుకుపడిన తుఫానులా అవే హోర్డింగ్స్, గోడలపై ‘ఇతడే మెగాస్టార్ చిరంజీవి సోదరుడు కల్యాణ్ బాబు’ అనే కొత్త సినిమా పోస్టర్లు పడటంతో మెగా ఫ్యాన్స్ సంబరాలు చేశారు. చిరంజీవి తమ్ముడు అనే ట్యాగ్ వారిలో ఉత్సాహం నింపింది. ఆ సినిమానే ‘అక్కడ అమ్మాయి ఇక్కడ అబ్బాయి’.
నాడే ప్రత్యేకత..
తెలుగు సినిమాను అప్రతిహతంగా ఏలుతున్న చిరంజీవి సోదరుడే మరో ప్రభంజనానికి శ్రీకారం చుట్టబోతున్నాడని ఆరోజు ఏ సినీ ప్రేక్షకుడు, మెగా అభిమాని కూడా ఊహించలేదు. అల్లుడా.. మజాకాతో ఈవీవీ సత్యనారాయణపై గురి కుదిరిన చిరంజీవి.. తమ్ముడి తెరంగేట్రం బాధ్యతను అప్పగించారు. ఈవీవీ ఈ అవకాశాన్ని చక్కగా వినియోగించుకున్నారు. తన మార్క్ కామెడీ, సింపుల్ లవ్ స్టోరీ, యాక్షన్ మేళవింపుతో తెరకెక్కించారు. తెలుగు సినిమా దిగ్గజం అక్కినేని నాగేశ్వరరావు మనవరాలు సుప్రియ హీరోయిన్ గా ఇదే సినిమాతో లాంచ్ కావడంతో సినిమాపై మరింత ఆసక్తి పెరిగింది. లవ్ స్టోరీ, స్టూడెంట్స్ అల్లరి, కాలేజీ నేపథ్యం, హాస్టల్లో కామెడీ, యాక్షన్ తో సినిమా ఆకట్టుకుంటుంది. సినిమాలో కల్యాణ్.. నిజ జీవితంలో నేర్చుకున్న మార్షల్ ఆర్ట్స్ విన్యాసాలు సినిమాకే హైలైట్. చేతులపై కార్లు వెళ్లడం, గుండెలపై రాళ్లు పగలకొట్టడం ప్రేక్షకాభిమానుల్ని ఆకట్టుకుని కల్యాణ్ కు మంచి గుర్తింపు తీసుకొచ్చాయి.
పవన్ కు ప్రత్యేకమైన క్రేజ్..
తొలి సినిమాతో ఘనమైన ఆరంభాన్నే దక్కించుకున్న తర్వాత గోకులంలో సీత, సుస్వాగతం సినిమాలు చేశారు కల్యాణ్. గోకులంలో సీతకు ముందు అక్కడ అమ్మాయి ఇక్కడ అబ్బాయిలో కల్యాణ్ చేసిన మార్షల్ ఆర్ట్స్ రవీంద్రభారతిలో లైవ్ లో ప్రదర్శన ఇచ్చారు. రెండో సినిమా గోకులంలో సీతలో ఆయన పేరు ముందు పవన్ చేర్చి తొలిసారి పవన్ కల్యాణ్ గా వేశారు. అప్పటి నుంచి నేటి వరకూ పవన్ కల్యాణ్ ఓ ప్రభంజనమే సృష్టించారు. గోకులంలో సీతతో ఫ్యామిలీ ఆడియన్స్ కు దగ్గరైతే, సుస్వాగతం సినిమాతో యూత్ ని మెప్పించారు. సమకాలీన లవ్ స్టోరీ యూత్ ని ఆకట్టుకుంది. వరుసగా మూడు హిట్లతో పవన్ కల్యాణ్ కు సినీ వర్గాలు, ప్రేక్షకుల్లో చిరంజీవి తమ్ముడే అయినా పవన్ లో మంచి స్పార్క్ ఉందనే గుర్తింపు లభించింది.
I really like reading through a post that can make men and women think. Also thank you for allowing me to comment!
Thank you for great article, look forward to the continuation.
Great post Thank you, look forward to the continuation.
Thank you very much for this wonderful information.
514106 863375Aw, this was an exceptionally good post. In concept I would like to place in writing such as this moreover – spending time and actual effort to create a outstanding article but so what can I say I procrastinate alot through no indicates locate a method to go completed. 824175