ఒకరు కాదు, ఇద్దరు కాదు.. మొత్తంగా ఏడుగురు ఈ వారం ఎలిమినేషన్‌ ప్రక్రియకు నామినేట్‌ అయ్యారు. మామూలుగా అయితే శివజ్యోతిగానీ, అలీ రెజాగానీ ఎలిమినేట్‌ అవుతారన్నది అంతా ఊహించిన విషయం కానీ, బిగ్‌బాస్‌ లీక్స్‌ ఇంకోలా వుంటున్నాయ్‌. తాజా లీక్స్‌ ప్రకారం వితిక షెరు ఈ వారం ఎలిమినేట్‌ అయిపోయిందట. ఆ ఎపిసోడ్‌ ఆదివారం ప్రసారం కాబోతోంది.
బిగ్‌హౌస్‌లో వున్న స్ట్రాంగ్‌ కంటెస్టెంట్స్‌లో టాప్‌ త్రీ లిస్ట్‌ తీస్తే అందులో వితిక వుంటుంది. వరుణ్‌తో పోల్చినా, వితికకే ఎక్కువ ఎడ్జ్‌ వుంటుంది. అయినాగానీ, వితిక ఎలిమినేట్‌ అయిపోయిన మాటే వాస్తవం అయితే.. తెరవెనుక వ్యవహారం ఏదో ‘గట్టిగానే’ నడిచి వుండాలన్నది వితిక అండ్‌ వరుణ్‌ అభిమానులు చెబుతున్న మాట.
వితిక వరుణ్‌ అభిమానులే కాదు.. మొత్తంగా సోషల్ మీడియాలో ఇదే విషయమై పెద్ద రచ్చ నడుస్తోంది. మెడాలియన్‌ గెలిచి కూడా వితిక ఎలిమినేషన్‌ అవడమంటే, అంతకన్నా హాస్యాస్పదం ఇంకోటుండదు. నిజానికి నెంబర్‌ గేమ్‌లో వితిక – శివజ్యోతి మధ్య ఆర్యుమెంట్‌ జరగడం.. ఆ టాస్క్‌ శివజ్యోతి కారణంగా రద్దయినందుకు శివజ్యోతికి బిగ్‌బాస్‌ పనిష్‌మెంట్‌ ఇవ్వకపోవడంతోనే.. మేటర్‌ చాలామందికి అర్థమయిపోయింది.
శివజ్యోతిని రక్షించడానికి వితికని బలి చేస్తున్నారనేది గత రెండు మూడు రోజులుగా సోషల్ మీడియాలో జరుగుతున్న చర్చల సారాంశం. శనివారం ఎపిసోడ్‌లో నాగార్జున కూడా, వితికని సపోర్ట్‌ చేయలేదు. సో, మేటర్‌ అందరికీ క్లియర్‌ అయిపోయింది. ఆ మాటకొస్తే, పునర్నవి ఎలిమినేషన్‌ నుంచి.. ఇంకా చెప్పాలంటే, ఫస్ట్‌ వీక్‌ నుంచి.. ఎలిమినేషన్‌ ప్రక్రియ గందరగోళంగానే సాగుతోంది. సో, వితిక ఎలిమినేషన్‌ మరీ అంత ఆశ్చర్యపోవాల్సిన విషయమేమీ కాకపోవచ్చు.