రతిక రోజ్.. అసలు పేరు ప్రియ అట.! అనూహ్యంగా బిగ్ బాస్ హౌస్‌లోకి ఎంట్రీ ఇచ్చింది. పాపం, హౌస్ మేట్ అవకుండా.. కేవలం కంటెస్టెంట్‌గానే కొనసాగి, ఔట్ అయిపోవాల్సి వచ్చింది. ఎలిమినేట్ అవడాన్ని రతిక జీర్ణించుకోలేకపోయింది. ఇప్పటిదాకా ఎలిమినేట్ అయిన మిగతా ముగ్గురు కంటెస్టెంట్ల సంగతి వేరు. రతిక సంగతి వేరు.!
బిగ్ హౌస్‌లో రతిక చాలా సందడే చేసింది.. అయితే, అది మొదట్లోనే సుమీ. ఆ తర్వాత ఆమెను అందరూ కార్నర్ చేయడం మొదలు పెట్టారు. దానికి తోడు, వీకెండ్ ఎపిసోడ్స్‌లో అక్కినేని నాగార్జున ప్రదర్శించిన ‘అతి’, రతికని ఇబ్బంది పెట్టింది. వెరసి, హై ఓల్టేజ్ ఎనర్జీ అప్పటిదాకా ప్రదర్శించిన రతిక, ఆ తర్వాత నీరసించిపోయింది.
అందరికంటే తక్కువ ఓట్లు రతికకి వచ్చాయన్నది బిగ్ బాస్ నిర్వాహకులు చెబుతున్నమాట. కానీ, ఈ సీజన్ వరకూ.. ఎక్కువ ఓట్లు పడుతున్నది రతికకి మాత్రమేనంటూ కొన్ని పోల్స్ కూడా చెబుతున్నాయి. అయితే, మానిప్యులేటెడ్ పోల్స్‌లో మాత్రం రతికకి తక్కువ ఓట్లు కనిపించాయి.
ఉల్టా పుల్టా.. అంటూ, ఇలా రతికని పంపించేశారంటే, ఇది పూర్తిగా ఉల్టా – పుల్టా వ్యవహారమే తప్ప, జెన్యూన్ విషయమైతే కాదు. రతిక పాటలు పాడగలదు.. డాన్సులు చేయగలదు.. హౌస్‌లో మెచ్యూర్డ్‌గా వుండగలదు.. కామెడీ కూడా చేయగలదు. గ్లామర్ సంగతి సరే సరి. మల్టీ టాలెంటెడ్ రతికని ఎలిమినేట్ చేయడానికి బలమైన కారణం ఇంకోటేదో వుండే వుంటుంది.
ప్రధాన కారణం అయితే పల్లవి ప్రశాంత్.. అనే చర్చ జరుగుతోంది. పల్లవి ప్రశాంత్ – రతిక మధ్య రొమాంటిక్ ట్రాక్ సృష్టించిన బిగ్ బాస్ నిర్వాహకులు, ఆ ట్రాక్ ద్వారానే రతిక మీద నెగెటివిటీని క్రియేట్ చేశారు. ఆ తర్వాత అది కాస్త సోషల్ మీడియాలో వివాదాస్పదమయ్యింది.
అలా అది వివాదాస్పదమవడంతో, రతికని తప్పించేశారని అనుకోవచ్చేమో.! టేస్టీ తేజ కూడా ఔట్ అయిపోయాడన్న ప్రచారం జరిగినా, అతన్ని నిర్వాహకులు రక్షించడం పెద్ద ట్విస్ట్.!