ప్రియాంకా… మూణ్ణాళ్ళ ముచ్చటేనా

పెళ్లయి మూడు నెలలు అయినా గడవకముందే ప్రియాంకా చోప్రా తన భర్త నిక్ తో విడిపోయే ఆలోచనలో ఉందంటూ వార్తలు జోరందుకున్నాయి ? ప్రస్తుతం ఆమె విడాకుల విషయం పెద్ద దుమారంలా మారింది.

బాలీవుడ్ గ్లామర్ హీరోయిన్ ప్రియాంకా చోప్రా – అమెరికన్ సింగర్ నిక్ జోనాస్ ను గత ఏడాది డిసెంబర్ లో వివాహం చేసుకున్న విషయం తెలిసిందే. మూడు నెలలు అయినా గడవకముందే వీరిద్దరూ విడిపోవాలని తీర్మానించుకున్నట్టు ఓ ఇంటర్నేషనల్ మీడియాలో కథనం వచ్చింది ? ప్రస్తుతం ఆ వార్త పెద్ద కలకలం రేపుతోంది.

ఇద్దరికీ అస్సలు పడడం లేదని, ప్రతి చిన్న విషయానికి గొడవ పడుతున్నారంటూ కథనంలో ప్రచురించారు. అంతే కాదు తొందరపడి పెళ్లి చేసుకున్నారంటూ ఒకరి పై ఒకరు విమర్శలు గుప్పించుకుంటున్నారని, పెళ్లి తరువాత ప్రియాంకా స్వభావం మారుతుందని, మాములు ధోరణికి వస్తుందని నిక్ భావించాడట, కానీ ఆమె ప్రవర్తనలో మార్పు రాలేదని, ఆమె వల్ల నిక్ కు మానసిక ప్రశాంతత లేదని ఆ కథనం సారాంశం !!

ప్రియాంకాకు చాలా కోపం ఎక్కువట. ఆమెలో పరిపక్వత లేదని నిక్ కుటుంబ సభ్యులు కూడా భావిస్తున్నట్టు ఆ మీడియాలో కథనం వచ్చింది. అయితే ఈ వార్తలు నిజం కాదని, కావాలని ఎవరో క్రియేట్ చేస్తున్నారంటూ ప్రియాంక తరపున ఆమె ప్రతినిధి తెలిపారు.

ప్రియాంకా చోప్రా బాలీవుడ్ లో టాప్ హీరోయిన్ గా ఓ వెలుగు వెలిగి .. ఆ తరువాత హాలీవుడ్ లోకి ఎంట్రీ ఇచ్చి అక్కడకూడా తనదైన సత్తా చాటింది. ప్రియాంకా అందానికి హాలీవుడ్ ప్రేక్షకులు ఫిదా అయ్యారు. అదే సమయంలో హాలీవుడ్ సింగర్ నిక్ తో ప్రేమలో పడింది.