కష్టాల ‘సీమ’లో మహర్షి ?

అదేంటి .. మహేష్ బాబు హీరోగా నటించిన మహర్షి దుమ్ము రేపుతోంది. విడుదలైన నాలుగు రోజుల్లోనే 100 కోట్ల క్లబ్ లోకి చేరిందని జోరుగా ప్రచారం చేస్తున్నారు ? మరి రాయలసీమలో మహర్షికి కష్టాలు అంటూన్నారు అని షాక్ అవుతున్నారా ? మీరు విన్నది నిజమే .. చూస్తున్నది నిజమే. మహర్షి సినిమా విడుదలైన మొదటి వారంలో భారీ వసూళ్లు వచ్చాయి. కానీ రెండో వారంనుండి ఆ వసూళ్లు కాస్త తగ్గాయి. మిగతా ఏరియాల్లో కలక్షన్స్ బాగానే ఉన్నా .. రాయలసీమలో మాత్రం ఆ అంచనాలను అందుకోలేకపోయింది. నైజాంలో 16 కోట్లకు పైగా షేర్ రాబట్టిన మహర్షి సీడెడ్ లో మాత్రం కేవలం 5 కోట్లతోనే సరిపెట్టుకోవడంతో కష్ఠాలు మొదలయ్యాయి. నిజానికి విడుదలకు ముందు భారీ బిజినెస్ చేసిన ఈ సినిమా, ఆ రేంజ్ లో కలక్షన్స్ ఎందుకు రాబట్టడం లేదన్నది ఇప్పుడు నిర్మాతల ముందున్న సమస్య.

ఓవరాల్ గా చూసుకుంటే మహర్షి విషయంలో సీమలో అటు అడ్వాన్స్ బుకింగ్స్ విషయంలో కూడా జోరు లేదు. ఇక బెనిఫిట్ షోలు కూడా తక్కువే పడ్డాయి. అంటే రాయలసీమలో మహేష్ క్రేజ్ తగ్గిందా లేక మహర్షి సినిమా బాగాలేదని వసూళ్లు తగ్గాయా అన్నది ఇప్పుడు అర్థం కానీ ప్రశ్న? రాయలసీమలో బాలయ్య, పవన్, ఎన్టీఆర్, రామ్ చరణ్ లకు మంచి క్రేజ్ .. వారి సినిమా వస్తుందంటే చాలు .. ఓపెనింగ్స్ అదిరిపోతాయి .. కానీ వీళ్ళతో పోల్చుకుంటే మహేష్ బాగా వెనకపడ్డాడు దానికి కారణాలు ఏమిటో మరి.

మహేష్ గత సినిమాలు ఇక్కడ బాగానే ఆడాయి .. కానీ మహర్షి విషయంలోనే అంచనాలు తగ్గాయి. నిజానికి ఈ సినిమా సీడెడ్ ఏరియా హక్కులను 12. 60 కోట్లకు అమ్మారు, కానీ ఇప్పటి వరకు ఈ సినిమా 10 కోట్ల షేర్ ని కూడా వసూలు చేయలేకపోయింది. మరో వారం రోజులు ఆడినా సరే పరిస్థితిలో ఏ మార్పు రాదు. మొత్తానికి బయ్యర్స్ ని టెన్షన్ లో పడేసాడు మహర్షి.