జూనియర్ ఎన్టీయార్ ఫుట్ నారా డాగ్స్’.. ట్రెండింగ్‌లో ఎందుకు.?

‘జూనియర్ ఎన్టీయార్ ఫుట్ నారా డాగ్స్’ అనే హ్యాష్‌ట్యాగ్ సోషల్ మీడియాలో ట్రెండింగ్ అవుతోంది. వేలల్లో ట్వీట్స్ పడుతున్నాయి. అవి లక్షల్లోకి చేరుకుంటున్నాయి కూడా. ఎందుకిలా జరుగుతోంది.? అసలు దీనర్థమేంటి.? ఇందులో ప్రత్యేకంగా అర్థాన్ని విడమర్చి చెప్పాల్సిందేముంది.? ఎన్టీయార్ కాలి గోటికి కూడా సరిపోని నారా కుక్కలు మొరుగుతున్నాయన్నది దానర్థం.

ఇక్కడ నారా కుక్కలెవరు.? ఇది కూడా అందరికీ తెలిసిన విషయమే. వాళ్ళ పేర్లను నేరుగా ప్రస్తావించడం ఎంతవరకు సబబు.? అనడానికి లేదు. ఎందుకంటే, ఆల్రెడీ యంగ్ టైగర్ ఎన్టీయార్ అభిమానులు ఆ పేర్లను చంద్రబాబు, నారా లోకేష్‌గా పేర్కొంటున్నారు.. ఎలాంటి దాపరికం లేకుండా.!

డాక్టర్ ఎన్టీయార్ హెల్త్ యూనివర్సిటీ పేరు కాస్తా డాక్టర్ వైఎస్సార్ హెల్త్ యూనివర్సిటీగా మారింది.. వైఎస్ జగన్ ప్రభుత్వం ఈ మేరకు నిర్ణయం తీసుకుంది. అసెంబ్లీ సాక్షిగా అందుకు గల కారణాల్ని ముఖ్యమంత్రి వైఎస్ జగన్ వివరించారు. ఆ వివరణలో ఎంత వాస్తవం వుంది.? అన్నది వేరే చర్చ.

చంద్రబాబు హయాంలో ‘చంద్రన్న, ఎన్టీయార్..’ అనే పేర్లను చాలావాటికి పెట్టేసుకున్నారు. అందుకే, అంతకు మించి.. అంటూ వైఎస్ జగన్ అండ్ టీమ్.. అన్నటికీ జగనన్న, వైఎస్సార్ పేర్లను పెట్టుకుంటున్నారు. రేప్పద్దున్న ఎవరు అధికార పీఠమెక్కినా, వాళ్ళ బంధువుల పేర్లను పెట్టేసుకోవచ్చు. ఇట్ హ్యాపెన్స్ ఓన్లీ ఇన్ ఆంధ్రప్రదేశ్.

ఈ పేరు మార్పు వ్యవహారంపై జూనియర్ ఎన్టీయార్ సహా కళ్యాణ్ రామ్ కూడా స్పందించాడు. కళ్యాణ్ రామ్ విషయంలో ఎవరూ అభ్యంతరాలు వ్యక్తం చేయలేదు. కానీ, జూనియర్ ఎన్టీయార్ మీదనే టీడీపీ శ్రేణులు మండిపడుతున్నాయి. పాపం జూనియర్ ఎన్టీయార్ అతని మీద వైసీపీ శ్రేణులు కూడా నోరు పారేసుకుంటున్నాయి. రెంటికీ చెడ్డ రేవడిలా జూనియర్ ఎన్టీయార్ తయారయ్యాడా.? కర్ర విరగకుండా పాము చావకుండా.. అన్నట్లు ట్వీటేయడమే అందుక్కారణమా.?

ఏమోగానీ, టీడీపీ అయితే ఈ విషయంలో అత్యుత్సాహం చూపింది. జూనియర్ ఎన్టీయార్ మీద టీడీపీ నేతలే అభ్యంతరకర వ్యాఖ్యలు చేయడం సబబు కాదు. అక్కడే, జూనియర్ ఎన్టీయార్ అభిమానులకీ ఎక్కడో కాలింది. అంతే, ‘జూనియర్ ఎన్టీయార్ ఫుట్.. నారా డాగ్స్..’ అంటే ఓ హ్యాష్ ట్యాగ్‌ని ట్రెండింగ్‌లోకి తెచ్చేశారు. అసలే అంతంతమాత్రంగా వున్న టీడీపీ పరువు, నారా చంద్రబాబు, నారా లోకేష్ పరువు.. ఇదిగో ఇలా మరింత దిగజారిపోయిందన్నమాట.