స్టార్ వారసులతో .. శంకర్ సినిమా?

సంచలన దర్శకుడు శంకర్ తన నెక్స్ట్ సినిమా విషయంలో చాలా స్పీడ్ మీదున్నాడు. తాజగా అయన రజని తో చేసిన 2. 0 సినిమా ఆశించిన ఫలితం రాబట్టకపోయినా శంకర్ ఆ సినిమా విషయంలో పెద్దగా టెన్షన్ తీసుకోలేదు. వెంటనే కమల్ తో భారతీయుడు2 ని మొదలు పెట్టేసాడు. అయితే ఆ సినిమా చాలా కారణాల వల్ల ఆగిపోయింది. ఈ ప్రాజెక్ట్ ఇప్పట్లో లైన్ లోకి రాదని అనుకున్నాడో ఏమో శంకర్ అప్పుడే మరో సినిమాకు రంగం సిద్ధం చేస్తున్నాడు.

భారీ దర్శకుడిగా క్రేజ్ తెచ్చుకున్న శంకర్ నెక్స్ట్ సినిమా ఏమిటి ? అన్న ఆసక్తి ఇప్పుడు అంతటా మొదలైంది. అయితే ఈ సారి అయన ఫోకస్ ఏకంగా స్టార్ హీరోల తనయులపై పడింది. అందుకే హీరో విక్రమ్ తనయుడు ధృవ్, హీరో విజయ్ తనయుడు జేసన్ లతో ఓ క్రేజీ సినిమాకు ప్లాన్ చేస్తున్నాడట. ఇప్పటికే దానికి సంబందించిన స్క్రిప్ట్ వర్క్ కూడా పూర్తీ కావొచ్చిందని టాక్. స్టార్ హీరోల తనయులు కావడంతో ఈ ప్రాజెక్ట్ పై కోలీవుడ్ లో అమితాసక్తి ఏర్పడింది.

సందేశాత్మక చిత్రాలను కమర్షియల్ వేలో రూపొందించి భారీ హంగామా క్రియేట్ చేయడంలో శంకర్ స్టయిలే వేరు. అందుకే ఆయన సినిమాలంటే అందరికి ఆసక్తి. జెంటిల్మెన్ సినిమాతో కెరీర్ మొదలు పెట్టిన శంకర్ వరుస విజయాలతో దూసుకుపోతూ ఇండియా గర్వించే దర్శకుడిగా ఎదిగాడు. సో శంకర్ నెక్స్ట్ సినిమా పై ఇప్పుడు అందరి ఫోకస్ ఉంది. మరి నెక్స్ట్ సినిమా ఏ రేంజ్ లో ఉంటుందో అన్నది ఇప్పుడు అందరిలో మెదులుతున్న ప్రశ్న? సో త్వరలోనే ఈ సినిమాకు సంబందించిన అధికారిక వివరాలు వెల్లడి కానున్నాయి.