పొద్దున్నే రాష్ట్ర ఎన్నికల కమిషనర్ అనే బాధ్యతాయుతమైన పదవిలోకి రావడం, సాయంత్రానికి పరిషత్ ఎన్నికలకు సంబంధించి నోటిఫికేషన్ విడుదల చేయడం.. వెరసి రాష్ట్ర కొత్త ఎన్నికల కమిషనర్ నీలం సాహ్నీ వివాదాల్లోకెక్కారు. రాష్ట్రంలో ప్రస్తుతం కోవిడ్ పరిస్థితి ఎలా వుంది.? వైద్య ఆరోగ్య శాఖ నుంచి ఎన్నికల నిర్వహణకు సంబంధించి గ్రీన్ సిగ్నల్ వచ్చిందా.? కీలక శాఖల నుంచి ఆమె ఎలాంటి సమాచారం తెప్పించుకున్నారు.? వాటిని ఆమె ఎలా విశ్లేషించారు.? అంటూ విపక్షాలు సంధిస్తున్న ప్రశ్నలు అన్నీ ఇన్నీ కావు.
నాలుగు వారాల ముందు నోటిఫికేషన్ ఇవ్వాలని సుప్రీంకోర్టు గతంలో ఆదేశించిన అంశాన్ని వివిధ రాజకీయ పార్టీలు ప్రస్తావిస్తున్నాయి. అయితే, కేవలం ఆరు రోజుల పక్రియ పూర్తి చేసేస్తే.. ఓ పనైపోతుందన్న ధోరణిలో జగన్ ప్రభుత్వం వుంది. నిజానికి, నీలం సాహ్నీ రాష్ట్ర ప్రభుత్వ ప్రధాన కార్యదర్శిగా వున్న సమయంలో అప్పటి రాష్ట్ర ఎన్నికల కమిషనర్ నిమ్మగడ్డ రమేష్ కుమార్ ఎంతలా కోరినా, సహకరించలేదన్న విమర్శలున్నాయి. ఈ విషయమై నిమ్మగడ్డ.. పదే పదే రాష్ట్ర ప్రభుత్వ ప్రధాన కార్యదర్శికి లేఖలు రాశారు కూడా. అప్పుడు సహకరించని నీలం సాహ్నీ, ఇప్పుడు ఎస్ఈసీ హోదాలో.. వివిధ విభాగాల నుంచి అప్పటికప్పుడు సహకారం ఎలా పొందగలిగారంటూ టీడీపీ సహా వివిధ విపక్షాలు ప్రశ్నిస్తున్న సంగతి తెలిసిందే.
మరోపక్క, ఎస్ఈసీ తీరు పట్ల అభ్యంతరం వ్యక్తం చేస్తూ పలువురు న్యాయస్థానాన్ని ఆశ్రయించారు. ఆయా పిటిషన్లను విచారణకు స్వీకరించిన హైకోర్టు, ఎస్ఈసీ స్పందనను రేపు ఉదయంలోగా తెలియజేయాలని ఆదేశించింది. రేపటికి కేసు విచారణను వాయిదా వేసింది. నీలం సహానీ ఏం చెప్పబోతున్నారు.? ఇంత తక్కువ సమయంలో ఆమెకు అన్ని విభాగాల నుంచి సహకారం ఎలా అందింది.? రాష్ట్ర ఎన్నికల కమిషనర్ ప్రకటించకుండానే ప్రభుత్వం నుంచి ఎంపీటీసీ, జెడ్పీటీసీ ఎన్నికల నోటిఫికేషన్ విషయమై సమాచారం బయటకెలా పొక్కింది.? ఈ ప్రశ్నలన్నటికీ రేపు సమాధానం దొరకనుందన్నమాట.
ఒకవేళ కోర్టు మొట్టికాయలు వేసిందంటే, రాష్ట్ర ఎన్నికల కమిషనర్ పదవి చేపట్టాక అది నీలం సహానీకి తొలి షాక్ అవుతుందన్నది రాజకీయ విశ్లేషకుల అభిప్రాయం. అయితే, ప్రక్రియ ప్రారంభమయినట్లే గనుక, కోర్టు ఎంతవరకు జోక్యం చేసుకుంటుందన్నదీ ఆలోచించాల్సిన విషయమే.
233315 57505Thanks for the weblog loaded with so many info. Stopping by your weblog helped me to get what I was searching for. 398846
59161 925383Woh Every person loves you , bookmarked ! My partner and i take issue in your last point. 68015
833275 644229You must participate in a contest for probably the greatest blogs on the web. I will recommend this internet internet site! 194804