బుల్లితెరపై బిగ్‌ బాస్‌ రియాల్టీ ఓ సంచలనం అయితే. ఆ బిగ్‌బాస్‌ని మించిన సంచలనంగా మారాడు తెలుగునాట ‘బిగ్‌’ పార్టిసిపెంట్‌ కౌశల్‌ మండా. ‘బిగ్‌ బాస్‌’ రియాల్టీ షో తెలుగువారికి పరిచయమైంది యంగ్‌ టైగర్‌ ఎన్టీఆర్‌ హోస్ట్‌గా వ్యవహరించిన తొలి సీజన్‌తో. ఆ సీజన్‌ విజేత, సినీ నటుడు శివ బాలాజీతో పోల్చితే, రెండో సీజన్‌ విజేత కౌశల్‌ మండా సాధించిన పేరు ప్రఖ్యాతులు చాలా చాలా ఎక్కువ. శివ బాలాజీ చుట్టూ అసలు వివాదాల్లేవు. ఆయనకు శతృవులు అసలే లేరు బిగ్‌ హౌస్‌లో. కానీ, కౌశల్‌ అలా కాదు. పెద్దగా ఎవరికీ పరిచయం లేనోడు. పైగా, అతనికి బిగ్‌ హౌస్‌లో అందరూ శతృవులే.
సినీ నటుడిగా పలు సినిమాల్లో చేసి, యాడ్‌ ఫిలింస్‌ మేకర్‌గా తన పని తాను చేసుకుపోతుండేవాడు కౌశల్‌ మండా, బిగ్‌ బాస్‌ రియాల్టీ షోలో పార్టిసిపెంట్‌గా అవకాశం వచ్చేదాకా. కానీ, ‘బిగ్‌ బాస్‌’ రియాల్టీ షో, సీజన్‌ 2 అతన్ని పూర్తిగా మార్చేసింది. కొత్త కౌశల్‌ మండాని ప్రపంచానికి పరిచయం చేసింది. నిజానికి, అంతకు ముందూ.. ఆ తర్వాతా ఆయనేం పెద్దగా మారలేదు. కానీ, సమాజానికి అతనేంటో చూపించింది మాత్రం బిగ్‌ బాస్‌ రియాల్టీ షోనే. బయటి ప్రపంచంతో సంబంధం లేకుండా, కొంతమంది వ్యక్తులతో కలిసి కొన్ని రోజులపాటు (దాదాపు వంద రోజులకు పైగా) ఒక ఇంట్లో వుండిపోవడం చిన్న విషయం కాదు. ఆ ఇంట్లో అందరూ తనకు శతృవులే అయినప్పుడు, ఆ పెయిన్‌ ఇంకో లెవల్‌లో వుంటుంది.
ఫస్ట్‌ ఎలిమినేషన్‌ నుంచి లాస్ట్‌ ఎలిమినేషన్‌ వరకు.. కౌశల్‌ మండాని మిగతా హౌస్‌ మేట్స్‌ టార్గెట్‌ చేస్తూనే వచ్చారు. అతని వ్యక్తిత్వంపై దాడి చేశారు.. ఆఖరికి, కుటుంబ సభ్యుల్ని సైతం వివాదంలోకి లాగే ప్రయత్నం చేశారు. ‘బయటకొస్తే, నీ అంతు చూస్తా’ అంటూ బెదిరింపులకు గురిచేశారు హౌస్‌ మేట్స్‌. ఎవరికి వారు తాము గెలవాలన్న ఆలోచన చేయకుండా, అందరూ కలిసి, కౌశల్‌ని ఓడించేందుకు ప్రయత్నించారు. ఏమో, అదే పరోక్షంగా కౌశల్‌కి కలిసొచ్చిందేమో. అందరూ ఓ వైపు, తానొక్కడినే ఇంకో వైపు నిల్చున్నాడు. దృఢ సంకల్పం ముందు ఎన్ని వెకిలి వేషాలైనా ఓడిపోతాయని నిరూపించాడు కౌశల్‌.
తనకెంతో ఇష్టమైన తన గారాల పట్టి తన కుమార్తెను తలచుకుని కంట తడి పెడితే చాలు, కౌశల్‌ నేరం చేసేసినట్లే.. అదో పెద్ద పబ్లిసిటీ స్టంట్‌.. అన్నట్లుగా ఇతర టీమ్‌ మేట్స్‌ వ్యవహరించారు. ఆ టీమ్‌ మేట్స్‌లో కౌశల్‌ కంటే ఎన్నో రెట్లు పాపులర్‌ అయిన స్టార్స్‌ వున్నారు. బుద్ధి బలం సరిపోక, భుజ భలం ప్రదర్శించి కౌశల్‌ మీద భౌతిక దాడులకూ దిగారు. కొంతమంది లేడీ పార్టిసిపెంట్స్‌ అయితే తమ స్థాయిని మరిచి, కౌశల్‌ విషయంలో జుగుప్సాకరంగా ప్రవర్తించారు.. అత్యంత జుగుప్సాకరమైన ఆరోపణలు చేశారు. వల్గర్‌గా తిట్టేశారు. నిలబడ్డాడు, తట్టుకున్నాడు. ఏడాది క్రితం నాటి మాట ఇది.
అప్పటికీ ఇప్పటికీ, కౌశల్‌ అదే దృఢ సంకల్పంతో ముందడుగు వేస్తున్నాడు. కౌశల్‌ని ఈ స్థాయికి తెచ్చింది అతని మనో నిబ్బరం మాత్రమే కాదు, కౌశల్‌ ఆర్మీ కూడా. ఎలా పుట్టిందో తెలియదు కానీ, కౌశల్‌ని భుజానికెత్తుకుంది. సోషల్ మీడియా సెన్సేషన్‌గా కౌశల్‌ ఏ స్థాయి గుర్తింపు తెచ్చుకున్నాడంటే, తెలుగులో ఏ అగ్ర హీరోకీ లేనంతగా. కానీ, బిగ్‌ బాస్‌ రియాల్టీ షో ముగిశాక కూడా కుట్రలు జరిగాయి. ఓ సినిమాలో కౌశల్‌ నటించాల్సి వుంది హీరోగా. కౌశల్‌ని హౌస్‌లో అడ్డుకోలేకపోయిన కొందరు హౌస్‌ మేట్స్‌, సినిమాల్లో మాత్రం అడ్డుకున్నారు. కానీ, కౌశల్‌ ఆర్మీ సేవా కార్యక్రమాల్ని అడ్డుకోలేకపోయారు.
కౌశల్‌ ఆర్మీ మీద బురద జల్లడానికి కొన్ని మీడియా సంస్థలూ ప్రయత్నించాయి. కానీ, అన్నిటినీ తట్టుకుని కౌశల్‌ ధైర్యంగా నిలబడ్డ వైనం.. చాలామందికి ధైర్యాన్నిచ్చింది. అందుకే, కౌశల్‌ ఒకే ఒక్కడు. కౌశల్‌ బిగ్‌ బాస్‌ విన్నర్‌ మాత్రమే కాదు. ఎప్పటికీ బిగ్‌ బాస్‌ అతడే.
488934 378194Wow post thanks! We feel your articles are wonderful and want far more soon. We really like anything to do with word games/word play. 749283
319143 524927I genuinely enjoyed this. It was incredibly educational and helpful. I will return to examine on upcoming posts 149869
795643 274727Hmm, I never thought about it that way. I do see your point but I think several will disagree 613470
370578 671729This internet web site is my intake , real excellent layout and perfect topic material . 203423