రాశి ఫలాలు: సోమవారం 23 నవంబర్ 2020

పంచాంగం

నవంబర్ 2020- సోమవారం శ్రీ శార్వరి నామ సంవత్సరం దక్షిణాయనం – శరదృతువు కార్తీక మాసం- శుక్లపక్షం

సూర్యోదయం – ఉ 6:29
సూర్యాస్తమయం- సా 5:35
తిథి : నవమి రా .12:35 వరకు
వారం :ఇందు వాసరః
నక్షత్రం: శతభిషం. మ.12:57 వరకు
వర్జ్యం :రా.8:08 నుండి రా 9:45 వరకు
దుర్ముహూర్తం:మ.12:24 నుండి .మ.1:09 వరకు
మ.2:37 నుండి మ .3:22 వరకు
రాహుకాలం :ఉ 7:52 నుండి. ఉ 9:15 వరకు
యమగండం:ఉ 10:39 – మ.12:02 వరకు
బ్రహ్మ ముహూర్తము : తె.4:53 నుండి తె.5:41 వరకు

(23-11-2020) రాశి ఫలితాలు

మేషం: గృహనిర్మాణ ప్రయత్నాలు ఆచరణలో పెడతారు.వృత్తి వ్యాపారాలపరంగా, చేపట్టిన పనులు ఆలస్యమైనా విజయవంతంగా పూర్తిచేస్తారు. ఋణ సంభందమైన ఒత్తిడి కొంతవరకు తీరి ఊరట కలుగుతుంది. సన్నిహితుల సహాయ సహకారాలు లభిస్తాయి. వృత్తి ఉద్యోగమున ఉన్నతి.

వృషభం: ఒక ముఖ్య విషయమై దూర ప్రాంత బంధువులనుండి నుంచి విలువైన సమాచారం సేకరిస్తారు. ఆర్థికపరిస్థితి ఉత్సాహంగా ఉంటుంది. స్థిరాస్తి లాభాలు ఉంటాయి, మార్కెటింగ్ రంగం వారికీ కొత్త అవకాశములు, క్రయ విక్రయాలలో ప్రోత్సాహకాలు లభిస్తాయి.

మిథునం: నూతన పరిచయాలు లాభిస్తాయి . పెద్దల సహకారంతో నూతన కార్యక్రమాలను మొదలుపెడతారు . సమాజమున గౌరవ మర్యాదలు పెరుగుతాయి . వృత్తి, వ్యాపారాలు ఉత్సాహంగా సాగుతాయి. నూతన వస్తు వాహనాలు కొనుగోలు చేస్తారు. ఆర్థిక వ్యవహారములలో ఉత్సాహము.

కర్కాటకం: కష్టానికి తగిన ఫలితం దక్కుతుంది. రుణదాతల ఒత్తిడి నుండి బయట పడటానికి మార్గాలు లభిస్తాయి. ఆర్ధిక విషయాలు లాభసాటిగా సాగుతాయి. సన్నిహితులతో ఆనందంగా విందు వినోదాది కార్యక్రమాలలో పాల్గొంటారు, పుణ్య క్షేత్ర సందర్శనాలు చేసుకుంటారు. వృత్తి వ్యాపారాలు లాభసాటిగా ఉంటాయి.

సింహం: అవసరమైన పనులలో కుటుంబసభ్యులు సహాయ సహకారములు లభిస్తాయి. ఉద్యోగమున వచ్చిన అవకాశములు సద్వినియోగం చేసుకోవాలి. కొత్త వ్యాపారాలకు అవసరమైన పెట్టుబడులు సమకూర్చుకుంటారు. ఉన్నతాధికారుల నుండి కొంత అనుకూల వాతావరణం ఉంటుంది.

కన్య: ఆర్థిక ఇబ్బందులు ఉన్నప్పటికీ అవసరానికి చేతికి డబ్బు అందుతుంది. ఇతరులతో అనుకోని కలహ సూచనలు, స్వల్ప అనారోగ్య సమస్యలు. కుటుంబ సభ్యుల ప్రవర్తన చికాకు కలిగిస్తుంది జీవిత భాగస్వామి నుంచి విలువైన బహుమతులు పొందుతారు. వ్యాపారములో ఒడిదుడుకులు ఉంటాయి.

తుల: దైవ సంబంధమైన సేవా కార్యక్రమాలయందు పాల్గొంటారు. ఆకస్మిక ధన ప్రాప్తి , వస్తు సంబంధిత లాభాలు పొందుతారు. విందు వినోదాది, శుభకార్యాలకు ఆహ్వానాలు అందుతాయి. ఉద్యోగమున కింది స్థాయి వారితో సమస్యలు పెరుగుతాయి. ఆరోగ్య విషయంలో వైద్యుని సంప్రదింపులు అవసరమవుతాయి.

వృశ్చికం: వృత్తి, వ్యాపారాల పరంగా మేలైన ఫలితాలుంటాయి ఉద్యోగాలలో అదనపు బాధ్యతలు పెరిగినా సకాలంలో పనులు పూర్తి చేస్తారు. కుటుంబ సభ్యులతో ఇంట్లో వివాహాది శుభకార్య విషయాలు చర్చిస్తారు ఆర్థికంగా నిలకడ కలుగుతుంది ఆకస్మిక ప్రయాణం సూచనలు.

ధనస్సు: సోదరులతో ఏర్పడిన స్థిరాస్తి వివాదాలు విషయమై చర్చలు అనుకూలంగా ఉంటాయి. నూతన వ్యవహారాలు స్థిరమైన ఆలోచనలతో సకాలంలో పూర్తిచేస్తారు. ఆర్థిక పరిస్థితి అనుకూలంగా ఉంటుంది. ఉద్యోగ వాతావరణం నిరుత్సాహంగా ఉంటుంది. సరి అయిన నిర్ణయాలు తీసుకోలేరు.

మకరం: సన్నిహితుల సహాయ సహకారములతో దీర్ఘకాలిక ఋణ భారం తగ్గించుకుంటారు. దూరపు బంధువుల నుంచి ముఖ్యమైన సమాచారం అందుకుంటారు. ఆదాయ మార్గాలు మెరుగుపడతాయి. నిరుద్యోగులకు అవకాశాలు వచ్చినట్టే వచ్చి దూరమౌతాయి.

కుంభం: గృహనిర్మాణ ఆలోచనలు ఆచరణలో పెడతారు. అనుకున్న పనులు సకాలంలో పూర్తి చేస్తారు ఆర్థిక వ్యవహారాలు నిదానంగా సాగుతాయి వ్యాపార పరంగా చేసే ప్రయత్నాలు అనుకూలంగా ఉంటాయి ప్రయాణాలు వాయిదా వేయడం మంచిది. ఉద్యోగ వాతావరణం సంతృప్తిగా ఉంటాయి.

మీనం: సమాజంలో కీర్తి ప్రతిష్ఠలు, మీ మాటకు విలువ పెరుగుతాయి సంతానం విద్యా విషయాలపై శ్రద్ద వహించడం మంచిది. ఆర్థికపరిస్థితి కొంతమేర మెరుగుపడుతుంది. నూతన వ్యాపారములో ఊహించని లాభాలుంటాయి. బంధు మిత్రుల సమాగమం ఆనందాన్నిస్తుంది. సహోద్యోగుల మధ్య సాన్నిహిత్యం బాగుంటుంది.